Demeýshiler qoldaýymen salynǵan sport nysany

Taldyqorǵanda erekshe úl­gi­degi «Jetisý» kásibı vo­leı­bol klýbyna arnalǵan jat­tyǵý bazasy jyl sońynda paı­dalanýǵa beriledi. Onyń ja­nynan boı kótergen sportshy­lar baspanasy da bitýge jaqyn. Demeýshiler qarajaty esebi­nen klýb sportshylaryna bar jaǵdaı jasalyn­baq. Onyń ús­tine sol atymtaı jomart azamattar halyqaralyq talaptar men standarttarǵa saı keletin ústel tennısi ortalyǵyn da el ıgiligine usynbaq nıette. Qu­rylys jumystaryn kózben kór­gen oblys ákimi Beıbit Isabaev ­qos nysannyń halyqqa qyzmet ete­­rine senim bildirdi.

Áýeli óńir basshysy jatty­ǵý bazasyna bardy, onda jaqyn kúnderde «Jetisý» KVK erler men áıelder komandalarynyń negizgi quramy, sondaı-aq jas­tar quramy jattyǵady. Bir ereksheligi, bul sporttyq jat­tyǵý bazasynyń el ishinde balamasy joq. Onda áıelder men erler quramynyń jattyǵýyna arnal­ǵan eki bólek zal bar. Son­daı-aq sportzaly, qajetti ákim­shilik jáne sanıtarlyq-turmystyq úı-jaılar, medı­sına­lyq, massaj bólmeleri bar.

B.Isabaev merdiger uıym­­nyń ókilderimen, «Jetisý» KVK dırektorymen birge nysandy jaılas­tyrý, sporttyq jabdyqtardy ornalastyrý, irgeles aýmaqty abattandyrý máselelerin talqylap, sondaı-aq klýbty damytý jos­parlary týraly pikir almasty. Sonymen qatar sportty kommer­sııalandyrý, tıisinshe klýb jú­ıesine kezeń-kezeńimen kóshý júrgizilip jatqanyn atap ótti.

«Qabyldanǵan sharalar men demeýshilik qoldaýdyń arqa­synda bizdiń «Jetisý» kásibı voleıbol klýbynda jattyǵý ótkizýge arnalǵan jeke sporttyq baza men klýbtyń voleıbolshylaryna arnalǵan turǵyn úı salynyp jatyr. Kelesi jyly voleıbolǵa beıimdelgen mektep ashýdy jos­parlap otyrmyz. Jalpy, bilim beretin mektepterden voleıbolǵa talanty bar balalar irikteledi. Bul mektepte olar voleıbolmen belsendi aınalysady. Osylaısha, óz oıynshylarymyzdy úıretip, óz chempıondarymyzdy tárbıelep shyǵaramyz», dedi B.Isabaev.

О́ńir ákiminiń baspasóz qyz­metiniń málimetinshe, jattyǵý bazasynyń ǵımaratyn salý men bezendirý baǵytyndaǵy qurylys-montajdaý jumystarynyń basym bóligi is júzinde aıaqtalǵan. Budan bulaı jattyǵý zaldaryn jaılastyrýǵa erekshe nazar aýdarylady. Bul zaldarda eń mańyzdysy joǵary sapaly sporttyq eden jabyny tóseledi, sondaı-aq irgeles aýmaq abattandyrylady.

«Jetisý» KVK dırektory Nııaz Jantileýovtiń aıtýynsha, sportshylarǵa arnalǵan shaǵyn otbasylyq turǵyn úı 40-45 orynǵa eseptelgen. Jertólesi bar tórt­qabatty ǵımarattyń 2 kireberisi bolady. Olardyń birinde 12 bir bólmeli jáne 3 eki bólmeli, al ekinshisinde jeke vanna bólmeleri bar 26 bólme bar. Sondaı-aq qajetti sanıtarlyq-turmystyq úı-jaılar qarastyrylǵan. Oblys ákimi osyndaı múmkindikterden keıin klýb óziniń oıyn deńgeıin kóterýi kerektigine erekshe ekpin túsirdi.

Odan keıin B.Isabaev to­lyqtaı demeýshilik qarajat ese­binen salynyp jatqan, ha­lyq­aralyq talaptar men stan­darttarǵa saı keletin ústel tennısi ortalyǵyna bardy. Nysanda temirbeton jumys­tary aıaqtalýǵa jaqyn. Ázirge qurylysqa 25-ke jýyq adam ju­myldyrylǵan, aldaǵy ýaqytta jumysshylar sany arttyry­lady. Jattyǵýlar men jarys­­tar ótetin zaldyń jalpy aýdany ­1 600 sharshy metr, 150 oryn­dyq trıbýnasy bar.

Ortalyqqa 16 tennıs ústeli ornatylady, halyqaralyq ja­rystar kezinde tek 9 ústel ǵana qal­dyrylady. Oblystyq dene shy­nyqtyrý jáne sport bas­qarmasynyń basshysy Ulan Rysquldyń aıtýynsha, ǵımarattyń ekinshi qabatynyń paıdaly alańyn neǵurlym tıimdi paıdalaný úshin shahmat klýbyn ashý kózdelip otyr. Oblys ákimi jańa sport ny­sa­nynyń aýmaǵyn abattandyrý má­selelerine erekshe nazar aýdardy. Kógaldandyrý, turaq orynda­ryn ornalastyrýdyń josparla­ry talqylandy.

Beıbit О́ksikbaıuly óńirdegi jańa sport nysandary rezerv­tik bıýdjet pen demeýshilik qara­jat arqyly boı kótergenin atap ótti.

«Mundaı nysandardy salý­ǵa biz áleýmettik nysandardy nemese turǵyn úılerdi salýǵa kózdelgen bıýdjet qarajatyn paıdalanbaımyz, demeýshilerdi tartamyz. Mádenıet pen sport salalaryn damytý jaıy úne­mi nazarymyzda bolýy kerek. Bul – azamattardyń rýhanı já­ne fızıkalyq densaýlyǵyn ny­ǵaıtýǵa áser etetin áleýmettik saıa­sattyń mańyzdy bóligi», dedi ol.

Atap ótsek, demeýshiler óńir­degi áleýmettik osal top sana­tyndaǵy turǵyndarǵa úı salýǵa da kómek qolyn sozdy. Máselen, «Samuryq-Qa­zy­na» AQ qarajaty esebi­nen Tal­­dy­qorǵanda árqaısysy 60 pá­ter­lik besqabatty 7 úı salynyp ja­tyr. Árqaısysynyń salyný satysy – ázirge ár deńgeıde. «Qa­zaqStroıEksklıýzıv» kompa­nııa­lar tobynyń bas ınje­ne­ri Ismıhan Karımovtiń aıtýyn­sha, ár úıde 30 úsh bólmeli, 15 bir jáne eki bólmeli páter bar.

Bes kópqabatty úıdiń qury­lysy tamyz aıynda aıaqtala­dy, al qalǵan ekeýi jylytý maýsy­my bastalǵanǵa deıin bitýge tıis. Merdiger uıymmen jáne qala­lyq ákimdik ókilderimen birge úıler­diń qasbetteriniń tús úılesimi men qaptaıtyn materıal­daryn tańdaý, aýlalardy abattandyrý máselelerin talqyla­ǵan oblys ákimi B.Isabaev qury­lys-montajdaý jumystaryn mer­ziminde, sapaly júrgizý birinshi kezektegi mindet ekenin aıtty.

Jetisý oblysy