Foto: Vedomstvo. Telegram.
Búgin Ortalyq memlekettik mýzeıde «Museum for kids» balalarǵa arnalǵan mýzeı lageri ashyldy. Qatysýshylarǵa mýzeıge qatysty sabaqtar, tarıhı kvest oıyndary, sýretshilerdiń sheberlik sabaqtary, shyǵarmashylyq jáne qolóner úıirmeleri uıymdastyrylady.
Qazaq Ulttyq óner ýnıversıtetinde alǵash ret daryndy balalardy qoldaýǵa baǵyttalǵan «Daryndy juldyz» balalar shyǵarmashylyq festıvali bastalady. Jas saıyskerler «Estradalyq án» nomınasııasy boıynsha óner kórsetedi, ár qatysýshy 2 shyǵarmadan oryndaıdy. Biri – ana tilinde bolsa, ekinshisi mýltfılmderdegi ánderge arnalady.
Teatr stýdııasynyń kishkentaı ártisteri «Astana Opera» sahnasynda «Balalar teatrǵa shaqyrady» atty konsert qoıady. Konserttiń aldynda kórermen qaýym jas sheberler men sýretshiler kórmesin tamashalaı alady. Astanada mýzykalyq mektep oqýshylary E.Rahmadıev atyndaǵy Memlekettik akademııalyq fılarmonııanyń sımfonııalyq orkestrimen birge óner kórsetedi.
