Foto: gov.kz
Qazaqstan halyqaralyq qaýymdastyqtyń Taıaý Shyǵystaǵy ahýaldy turaqtandyrýǵa baǵyttalǵan kúsh-jigerin barynsha qoldaıdy. Aq úıdiń Izraıl men HAMAS arasyndaǵy atysty toqtatý, kepilge alynǵan adamdardy bosatý, gýmanıtarlyq kómekti qamtamasyz etý, sondaı-aq halyqaralyq qoǵamdastyqtyń qoldaýymen Gaza sektoryn qalpyna keltirý jaıly negizgi erejelerden turatyn beıbitshilik bastamasyn quptaıdy.
Usynylǵan sharalar júzege asyrylǵan jaǵdaıda, olar beıbit turǵyndardyń qazasy men qurbandar sanyn toqtatýǵa múmkindik beredi, sondaı-aq óńirde beıbitshilik ornaýynyń alǵysharty bola alady.
Uzaq jylǵa sozylǵan qaqtyǵystyń jalǵyz sheshimi retinde «eki halyq úshin eki memleket» formýlasy negizinde astanasy Shyǵys Ierýsalım dep belgilengen Palestına Memleketin qurý týraly Qazaqstannyń myzǵymas ustanymyn rastaıtynyn málimdeý arqyly elimiz aımaqtaǵy qaqtyǵystardy sheshý úshin saıası jáne dıplomatııalyq sharalardyń mańyzdylyǵyn bildirdi.
Bul halyqaralyq dıplomatııa beıbit sheshimder men yntymaqtastyqty jaqtaıtyn Qazaqstannyń kópten beri kele jatqan syrtqy saıası kózqarasyna sáıkes keledi. Qazaqstannyń ustanymy AQSh pen Qytaı sııaqty iri derjavalar qatysatyn keńirek geosaıası dınamıka kontekstinde erekshe ózekti.
Erlan KIIKBAI,
L.N.Gýmılev atyndaǵy EUÝ stýdenti
