Foto: akorda.kz
Ulttyq shuǵyl medısınany úılestirý ortalyǵynyń basqarma tóraǵasy Tımýr Muratovtyń aıtýynsha, mekemede 29 baǵyt boıynsha emdeý isin júrgizetin 9 klınıkalyq departament qurylady. Munda jylyna 18 myńnan astam naýqas emdele alady.
Prezıdent zamanaýı quraldarmen, sonyń ishinde mobıldi kompıýterlik tomograf jáne OR-1 júıesimen jabdyqtalǵan operasııa zaldaryn aralap kórdi.
Memleket basshysy ortalyqtyń qyzmetkerlerimen áńgimelesý barysynda mundaı biregeı nysannyń iske qosylýyn otandyq medısınanyń zor jetistigi dep baǵalady. Sonymen qatar mekemege bilikti mamandardy kóptep tartý qajet ekenine nazar aýdardy.
Qasym-Jomart Toqaev ujymnyń jumysyna tabys tilep, ortalyqqa reanımobıl syılady.
