О́zekti máseleler sheshimin taýyp keledi

45 shaqyrym jylý jelisi jańǵyrtyldy

– Nurlan Telmanuly, Abaı oblysy qurylǵan kúnnen bas­tap atqarylǵan sharýalardyń deni josparlardy oryndaý men maqsat-murattardy aıqyn­daýǵa ketkeni anyq. Sózimizdi el Prezıdenti júktegen óńirdi damytýǵa baǵyttalǵan josparlar men tapsyrmalardyń orynda­lýynan bastasaq.

– Semeı oblysy 1997 jyly mamyr aıynda taraǵan bolatyn. Oblys óz mártebesinen aıyrylǵan shırek ǵasyrda óńirde ár salada máseleler qordalanyp qalǵan edi. Memleket basshysy 2022 jyly Semeıge kelgende aımaqtaǵy eń ózekti máselelerge toqtalyp, aldymyzǵa úlken mindet qoıdy. Oblystyń keleshektegi damý baǵytyn aıqyndap berdi. Prezıdent júktegen mindetterdi júzege asyrý úshin 2023 jyly Úkimette Abaı oblysynyń áleýmettik-ekonomıkalyq damýynyń keshendi jospary bekitildi. Mańyzdy qujat sheńberinde 2023-2027 jyldary jalpy somasy 1,9 trln teńgege 9 n­egizgi baǵyttaǵy 102 is-sharany iske asyrý josparlanǵan. Máselen, ótken jyly 20 mıllıard teńgeniń úsh jobasy iske asyp, 700-ge jýyq jumys orny quryldy. Berikqara ken ornynda ken óndirý jáne mys óńdeý zaýyty jumysyn bastady. Jalpy, eki jylda oblys ekonomı­kasyna shamamen 1 trln teńge ınvestısııa tartyldy. Úsh myńnan astam shaǵyn jáne orta bıznes nysandary ashyldy. О́ńirge ınves­tısııa tartý úshin kórshi Qytaı elimen yntymaqtastyq baılanys ornady. Buǵan deıin Abaı oblysy men Shyńjań-Uıǵyr avtonomııalyq aýdany arasynda birqatar birlesken is-shara ótkizildi. Shekaralas óńirdi jan-jaqty damytýǵa baǵyttalǵan ýaǵdalastyqtarǵa qol jetkizildi. Jýyqta Premer-mınıstr Oljas Bektenovtiń qatysýymen jyldyq qýaty 300 myń tonna bolatyn mys bal­qytý zaýytyn salý týraly ke­lisimge qol qoıyldy. Bul kásiporyn Aıagóz aýdanynyń Aqtoǵaı kentiniń mańynda salynady.

– О́ńirdegi eń úlken máseleniń biri – jylý. Semeı turǵyndary ala jazdaı ystyq sýsyz otyrady. Bul má­sele qalaı sheshimin taýyp jatyr?

– О́ńirdiń ınfraqurylym salasynda másele kóp. Turǵyndardy tolǵandyrǵan ózekti máseleler birtindep sheshimin taýyp keledi. Oblystaǵy jylý jelileriniń jalpy uzyndyǵy – 401 shaqyrym. Jelilerdiń ortasha tozýy 64,2 pa­ıyzdy quraıdy. Iаǵnı 257 shaqyrymy jańartýdy qajet etedi. Semeı qalasyndaǵy jylý jelileriniń uzaqtyǵy – 325 shaqyrym, tozýy –­  66 paıyz. Ásirese shahardyń oń jaǵalaýyna saǵatyna 147 Gkal jylý jetispeıdi. Jylý tapshylyǵyn joıý úshin «Ǵabbasov» jáne «Ortalyq» jylý ortalyqtaryna jańa qazandyqtar qoıyldy. О́tken jyly jalpy somasy 24 mlrd teńgege óńirdegi 45 shaqyrym jylý jelisi jańǵyrtyldy. 20 jylý qazandyǵy jóndeldi. Osy jumystyń nátıjesinde jylý jelileriniń tozýy 70,5 paıyzdan 64,2 paıyzǵa deıin tómendedi. Bıyl 37,9 shaqyrym jelini jańǵyrtýǵa, 11 jylý qazandyǵyn jóndeýge 10 mıllıard teńgeden astam qarjy bólindi. Osy jumystar aıaqtalsa, jylý jelileriniń tozýyn 56 pa­ıyzǵa deıin azaıtýǵa múmkindik týady. Árıne, munymen máseleniń tolyq sheshilmeıtini anyq. Qalaǵa úlken jylý ortalyǵy kerek.

– «Qalaǵa úlken jylý orta­ly­ǵy kerek» dep qaldyńyz. Bi­lýim­izshe, úshinshi jylý elektr or­talyǵyn salatyn kompanııa da belgili bolǵan sekildi.

– Oblys mártebesin alǵannan keıin Semeıde qurylys qarqyny artty. Qalanyń oń jaǵalaýynda jylý jetispegendikten, úlken qurylystyń deni sol jaǵalaýda júrgizilip jatyr. Semeıge úlken jylý ortalyǵyn salý – kópten aıtylyp júrgen másele. Búgingi tań­da jobanyń tehnıkalyq-eko­nomıkalyq negizdemesi ázirle­nip jatyr. Jýyrda biz reseılik «Inter RAO-Eksport» kompanııasy ókilderimen kezdesip, jobany iske asyrý jol­daryn talqyladyq. Negizgi jab­dyqtyń qýaty, ornalasýy, ın­jener­lik-kommýnıkasııalyq ın­fraqurylymy jáne JEO-3 qu­ry­lysynyń merzimi aldyn ala anyq­taldy. Oblys ákimdigi tarapy­nan tehnıkalyq parametrler týraly usynysymyzdy aıttyq. Oǵan sáıkes jańa JEO-nyń elektr jáne jylý qýaty 360 MVt jáne 1200 Gkal/saǵ quraýǵa tıis. Buǵan deıin qu­­ry­lys alańy retinde qalanyń sol jaǵalaýyndaǵy Stepnoı kenti aýma­ǵyndaǵy aýdany shamamen 60 gektar jer ýchaskesi bekitilgen bolatyn.

Aspaly kópirge kúrdeli jóndeý júrgiziledi

– Oblystaǵy mańyzy bar qa­lalar men aýdandardyń arasyn­ baı­lanystyratyn kúre jol­dar­dyń kúrmeýi áli tolyq she­shil­­meı keledi. Semeı men Úrjar, Aq­sýat aýdandarynyń ara­syn jal­ǵaıtyn jol­dardyń aıaq­ta­lýyn­ halyq taǵat­syz­dana kútip júr.

– Sizdiń aıtyp otyrǵanyńyz, «Qalbataý – Maıqapshaǵaı», «Taldyqorǵan – О́skemen» jol­dary ǵoı. Bul eki kúre jol da respýb­lıka­lyq mańyzdaǵy joldar sanalady. «Qaz­AvtoJol» ulttyq kompanııasyna qaraı­dy. Olardyń bergen málimetinshe, «Taldy­qorǵan –­ О́skemen» baǵytyndaǵy jol jyl sońyna deıin aıaqtalady.

О́tken jyly aımaqtaǵy kúre joldardy jańartýǵa 25 mıllıard teńgeden astam qarjy bólinip, 363 shaqyrym jol retke keltirildi. Týrıstik oryndar da nazardan tys qalǵan joq. Abaı aýdanyndaǵy Aqshoqy (Qunanbaı áýletiniń qorymy) men Qońyr áýlıe úńgirine baratyn joldar bir­shama jaqsaryp qaldy. Bıyl obly­symyzdaǵy eldi mekenderdiń joldary men kóshelerin ortasha jóndeý kózdelgen. Shamamen 320 shaqyrym jol jańǵyrtylady. «Aıagóz – Qaraýyl – Qaınar», «Shar – Áýezov», «Voskresenovka – Petropavlovka – Shelehovo – Dmıtrıevka», «Kók­pekti – Samar» baǵy­tyn­daǵy 75 shaqyrym jolǵa asfalt tóseledi. Bular – oblystyq mańyzy bar joldar. Budan bólek, aýdandyq mańyzy bar joldardy jóndeýdi josparlap otyrmyz. Abaı, Aıagóz, Aqsýat, Besqaraǵaı, Bo­rodýlıha, Jarma, Kókpekti, Ma­qanshy, Úrjar aýdandaryndaǵy 150 sha­qyrymǵa jýyq jol jańa keıip­ke enedi.

О́tken jyly Semeıdegi kóshe­ler­diń jolyn jóndeýge basa mán berdik. Uzyndyǵy 50 shaqyrym bolatyn 56 kósheniń joly asfalttaldy. Bul – buryn-sońdy bolmaǵan kórsetkish. Qalada jalpy uzyndyǵy 756 shaqyrym 1 179 kóshe bar. Sonyń 703-i, ıaǵnı 450 shaqyrymy jóndeýdi qajet etedi. Halyq ár kezdesýde osy máseleni kóteredi. Sondyqtan bul taraptaǵy jumys jyl saıyn júıeli túrde jalǵasady. 2024 jyly qaladaǵy 40 kósheniń jolyn retke keltirýdi jos­parlap otyrmyz. Jumys júrip jatyr.

– Oblys qurylǵaly beri oblys ortalyǵyndaǵy kólik qaty­nasy úlken másele týǵyzyp kele jatqany belgili. Semeı qala­syndaǵy dańǵyldar men úl­ken kóshelerdi retke keltirý, jalpy aıtqanda, qaladaǵy keptelis máselesi qalaı sheshim tabady?

– Abaı oblysy logıstıkalyq tur­ǵydan qolaıly jerde ornalas­qan. Bul kórshiles óńirler jáne Qytaı, Reseı elderi arasyn­daǵy saýda-ekonomıkalyq qarym-qaty­nas­tardy damytýǵa múmkindik beredi. О́ńirdiń logıs­tıkalyq áleýe­tin nyǵaıtý úshin tıisti kólik ın­fraqurylymyn qurý qajet. «Eli­mizdiń kólik áleýetin damytý úshin Baqty arqyly Qytaıǵa baratyn temirjol jelisin salýdy josparlap otyrmyz. Bul temirjoldy mindetti túrde salýymyz kerek. Úkimet osy máselemen aınalysady. О́ńirde «qurǵaq port», «logıstıkalyq park» salyp, kólik dálizin damytý asa mańyzdy. Halyqaralyq mańyzy bar kúre jol Semeı arqyly ótedi. Son­dyqtan, eń aldymen, qaladaǵy eki kópirdi jóndeý qajet», dep tap­syr­ǵan bolatyn Memleket basshysy.

О́tken jyldyń sońynda uzyn­dyǵy 270 shaqyrymnan asatyn «Baqty – Aıagóz» baǵytyndaǵy jańa temirjol jelisiniń qurylysy bas­taldy. Jańa jelini salý barysynda Qytaımen «Baqty – Sháýeshek» úshinshi shekara ótkelin ashý jos­parlanyp otyr. Aýqymdy joba jeke ınvestordyń qatysýymen júzege asyrylady. Qurylys barysynda 11 stansa, 47 kópir, 23 temirjol jáne 8 avtomobıl ótkeli, 5 jaıaý júrgin­shiler kópiri salynady.

Semeıdegi kópirlerge kelsek, jurt «jańa kópir» dep ataıtyn aspaly kópir 2000 jyly salynǵan. Sodan beri kúrdeli jóndeý kórgen joq. Qalanyń sımvolyna aınalǵan nysandy japon mamandary kelip, kórip, jaı-kúıin baǵalap ketti. Kópirdiń asfalt tósemine jyl sa­ıyn aǵymdaǵy jóndeý júrgiziledi. Kólik ótkeline kúrdeli jóndeý jasaý úshin jobalyq-smetalyq qujat ázirlenip jatyr.

2022 jyly qaladaǵy avtogýj kópiriniń janynan jańa kópirdiń qurylysy bastaldy. Uzyndyǵy 810 metr bolatyn, tórt jolaqty kólik ótkeli salynady. Al eski kópir jaıaý júr­gin­shilerge qyzmet kórsetedi. Ras, oblys bol­ǵannan keıin qalada tirshilik jandandy. Kólik kóbeıdi. Kólik sany artqan soń, kep­te­lis te kóbeıdi. Jańa kópir salynsa, shahar­da­ǵy kólik qozǵalysy bir­shama jeńildeıdi.

– Abaı oblysyndaǵy aýyldar­ǵa qalaı kóńil bólinip jatyr?

– Prezıdenttiń bastamasymen oblysymyzda Jańa Semeı men Maqanshy aýdandary quryldy. Bul aýylǵa, sondaǵy halyqqa úlken qoldaý, qamqorlyq dep oılaımyn. Eki aýdannyń da agrarlyq, týrıstik áleýe­ti zor. Aýyldy qoldaý jaıy­na kelsek, tek ótken jyly eldi me­ken­der­di damytýǵa 35 mıllıard teńge bólindi. Joldar jóndelip, kósheler jaryqtandyrylyp, birneshe aýylǵa aýyzsý tartyldy. Jalpy, qazir oblysta aýyzsý tartý bo­ıynsha 46 joba iske asyrylýda. Aýyl hal­qy­nyń densaýlyǵy da ár­daıym na­zarymyzda. Byl­tyr Úr­jar aýy­lyn­­da dárigerlik ambýla­torııa qu­ry­­lysy bastaldy. Turǵyndardyń ti­legin eskere otyryp eki aýdanda ge­­modıalız ortalyǵy ashyldy. «Aýyl­­dyq den­saýlyq saqtaýdy jań­ǵyrtý» ult­tyq jobasy sheńberinde 2025 jylǵa deıin 65 alǵashqy medı­sı­­nalyq nysan salý josparlanyp otyr.

11 jańa mektep salynady

– Semeı 25 jyl boıy oblys­ta­ǵy mańyzy bar qala re­tinde bol­ǵany ras. Osy ýaqyt aralyǵynda qor­da­lanǵan máse­leler de jete­di. Solardyń biri – halyqty baspanamen qamtý. Qazir jańa turǵyn-úı keshenderiniń salyný qarqyny jaqsy. Oblys qurylǵaly beri baspanaly bolyp qýanǵandardyń qarasy qanshalyqty qalyń?

– Bul baǵyttaǵy jumys jú­ıe­li túrde júrgizilip keledi. 2022-2023 jyldary óńirimizde 700 myń sharshy metrden astam turǵyn úı paıdalanýǵa berildi. Búginde oblys boıynsha 20 myńǵa jýyq adam úı kezeginde tur. Onyń 14 myńy Semeıge tıesili. 2023 jyldyń qańtarynan 2024 jyldyń qańtaryna deıin kezekte turǵandar sany 880 adamǵa ósipti. Demek aı saıyn ortasha eseppen 73 adam turǵyn úıge kezekke turady. О́tken jyly oblystyń memlekettik turǵyn úı qorynan 695 baspana berildi. Bıyl bıýdjet qarajaty esebinen Semeı men Aıagóz qalalarynda jalpy aýdany 119,3 myń sharshy metrdi quraıtyn 23 kópqabatty nesıelik turǵyn úıdiń qurylysy júr­gizilýde. Oblys ortalyǵyndaǵy jastardy baspanamen qamtý maqsatynda «Abaı jastary» baǵdarlamasy iske qosyldy. Byltyr baǵdarlamaǵa qalalyq bıýdjetten tıisti qarjy bólinip, 40 jas otbasy baspanaly boldy. 2023 jyly halyqtyń áleýmettik osal toptary men kezekte turǵan kópbalaly otbasylarǵa 211 páter berildi. Aǵymdaǵy jyly 80-ge jýyq adam qonys toıyn toılady. Jalpy, oblysta jyl sońyna deıin 600-den astam turǵyn úıdi paıdalanýǵa berý josparda bar. Búginde Semeıde 21 kóppáterli turǵyn úı qurylysy bastaldy.

– Bilim, ǵylymǵa qushtar jas jetkin­shekterge baǵyttalǵan qandaı aýqymdy dúnıeler bar? Bilim berý salasyndaǵy ózge­risterge toqtalsańyz.

– Bilim salasynda ózgeris bolýy úshin, sapa bolýy úshin eń áýeli tıisti jaǵdaı jasalýy kerek. Eger bizdiń balalarymyz tar mektepte qysylyp-qymtyrylyp oqysa, sapaly bilim, sanaly tárbıe ala ma? Búginde oblysymyzdaǵy bilim oshaqtarynda 9 myńǵa jýyq balaǵa oryn jetispeıdi. Bul – úlken másele. Osy máseleni sheshý úshin óńirde «Jaıly mektep» ulttyq jobasy aıasynda 5 700 oryndyq 11 jańa mektep salynady. 2023 jyly aımaqta 5 mekteptiń qurylysy bas­taldy. Semeıdegi eki mektepti kúzge deıin aıaqtaý josparlanyp otyr. Úlken mektepterden bólek Jarma, Úrjar, Besqaraǵaı aýdandarynda 510 oryndyq 6 shaǵyn jınaqty mektep boı kóteredi. Oblystyń keshendi damý josparyna sáıkes 6 mekteptiń janynan qosymsha ǵı­marat salý josparlanǵan. Sonyń ekeýiniń qurylysy bastalyp ketti. Memlekettik-jekemenshik árip­testik aıasynda 2027 jylǵa deıin 2 100 oryndyq 9 balabaqsha salý josparda bar. Oblystyq bilim basqarmasy Semeıdiń Qaraǵaıly shaǵyn aýdanyna 320 oryndyq 2 bala­baqsha salý úshin jeke ınves­tor­lardy tartý jumysy júrip jatyr.

О́tken jyly oblysta jańa for­mattaǵy eki jańa mektep ashyldy. Memleket basshy­synyń tapsyrmasymen Shákárim atyndaǵy ýnıversıtet bazasynda «Shakarim High School», Á. Bókeıhan atyndaǵy ýnıversıtet bazasynda 10, 11-synyp baǵdarlamalary boıynsha «Abay IT-School» ınnovasııalyq mektepter jumysyn bastady.

Semeıdegi «Qaraǵaıly» sha­ǵyn aýdanynda kreatıvti ındýs­trııa parki ashyldy. Munda oblys­tyń kez kelgen turǵyny óziniń krea­tıv­ti ıdeıasyn júzege asyra alady. Bıyl Semeıde 500 oryndyq kópfýnksıonaldy ortalyqtyń qurylysy bastaldy. Úsh qabat­ty nysanda basseın, fıtnes, jekpe-jek zaly, neırorobot tehnıkasy,­ baǵdarlamalaý kabınetteri men ki­taphana bolady. Oblys ortaly­ǵynda 51 myń oqýshy bar. Sonyń
11 myńnan astamy ártúrli úıirmege qatysady.

Bas jospar aıaqtalýǵa jaqyn

– Qalanyń bas jospary kóp­shilik talqysyna usynyldy. Alda usynystardy qabyldap, bekitý, Memleket basshysyna tanystyrý jumysy tur. Semeıdiń bas josparynyń ereksheligi men halyqqa tıimdi jaǵy qandaı?

– Semeıdiń bas josparyn ázirleý – Memleket basshysynyń tapsyrmasy. Qalanyń 2040 jylǵa deıingi bas jospary ázirlený ústinde. Aıaqtalýǵa jaqyn deýge de bolady. Mańyzdy qujattyń jo­basyn jurtshylyqqa tanys­tyr­dyq. Aıtylǵan usynys-pikir­ler eskerilip, josparǵa tıisti óz­gerister engizildi. Qazir tıisti mı­nıstrliktermen jumys istep jatyrmyz. Joba keshendi mem­lekettik saraptamadan ótedi. Bul jumys­tar aıaqtalǵan soń bas jos­pardy Prezıdent nazaryna usynamyz.

– О́ńirde tarıhı oryndar men kıeli jerler de jeterlik. Oblystyń týrızm salasyn týra jolǵa qoıý, jańa oblysqa týrısterdi tartý jumysy qandaı deńgeıde?

– Oblysymyzda tarıhı oryndar da, kórkimen kóz tartatyn ádemi jerler de az emes. О́tken jyly óńirimizge 333 myń týrıst keldi. Onyń 200 myńǵa jýyǵy aıdyndy Alakólde demaldy. Búginde kýrortty aımaqta 435 kásipkerlik sýbektisi jumys isteıdi. 230 qonaqúı bar. 2023 jyly Alakól jaǵasyndaǵy kásipkerlerden 89,7 mıllıon teńge salyq tústi. 2022 jyly bul kórsetkish nebári 17 mıllıon teńgeni quraǵan edi. Bul baǵyttaǵy jumys jalǵasady.

Týrıster Alakólge avtobýspen de, poıyzben de, ushaqpen de bara alady. Semeıden Úrjar aýylyna aptasyna úsh ret ushaq qatynaıdy. «Semeı – Jalańashkól» baǵytynda kúnara poıyz júredi.

– О́tken jylǵy órt qanshama qara­ǵaı­ly ormandy jaıpap ketkenin bilemiz. Jasyl jelekti qalpyna keltirý de ońaı sharýa emes. Osy baǵytta qolǵa alyn­ǵan jumystarǵa toqtalsańyz. Jalpy, óńirde órtke qarsy kúres kúsheıtildi me?

– Aımaqta órttiń aldyn alý boıynsha tıisti jumystar atqa­rylýda. О́rt kezinde jedel áreket etý úshin eldi mekenderde 10 órt sóndirý beketi quryldy. Áýeden baqylaýdy kú­sheıtý maqsatynda «Qazavıaqutqarý» AQ-pen tikushaq tartý jóninde kelisimshart ja­saldy. Semeı qalasyndaǵy áýejaı men Qorǵanys mı­nıstr­liginiń oblystyq ­fı­lıalynyń avıabazasynda sý tógetin ­qu­ryl­ǵy­lary bar MI-8 tikushaǵy kezekshilik etýde.

«Semeı ormany» tabıǵı rezer­va­ty­ Ekologııa jáne tabıǵı resýrs­tar mı­nıstrligine qaraıdy. О́tken jyly «Aq Ertis» qoǵamdyq qory esebinen 11 órt sóndirý tehnıkasy men 363 jabdyq satyp alyndy. Budan bólek, respýblıkalyq bıýdjetten 34 órt sóndirý tehnıkasy men 323 jabdyq berildi.

Qaraǵaıly ormandy qalpyna keltirý úshin oblys ákimdigi Jol kartasyn ázirledi. Qazir tabıǵı rezervatta órtengen aǵashtardy kesý jumysy júrgizildi. Kesilgen aǵash­tar­­dy tereńdete óńdeý úshin zaýyt qajet. So­ǵan jeke ınvestor qarastyryp jatyrmyz. Inves­tısııalyq jobany júzege asyrý úshin «О́ndiris» ındýstrıaldy aımaǵynan jer bólindi.

– Qazaqstannyń úsh dúrkin chempıony «Elim-aı» fýtbol klýby birinshi lıgadan premer-lıgaǵa kóterildi. Qaıta qurylǵan «Elim-aı» bolashaqqa jarqyn úmitpen qaraıtyn balalar men jasóspirimderge jalyn syı­laǵa­ny aqıqat. Oblys turǵyn­dary­nyń salamatty ómir saltyn qa­lyp­­tastyrý men sport sala­syndaǵy jańa­lyqtary qandaı?

– Oblysta sport jaqsy damyp­ kele jatyr dep aıtýǵa bolady. Sport ny­sandary da kóbeıip kele­di. Byl­tyr shalǵaıdaǵy Aqsýat pen Qaı­nar aýyldarynda dene shy­nyq­ty­rý saýyq­tyrý keshenderi paı­da­­lanýǵa berildi. Qazirgi ýaqytta «Aýyl – el besigi» jobasymen 4 aýdanda sport nysandary salynyp jatyr.

Keıingi jyldary Semeıde fýt­boldyń qanat jaıa bastaǵany ras. Bulaı bolýy zańdy qubylys dep oılaımyn. О́ıtkeni Semeı – qazaq fýtbolynyń otany. 1994, 1995, 1998 jyldary Qazaqstan chempıony bolǵan «Elim-aıdyń» oblyspen birge qaıta túleýi óńir turǵyndary úshin kópten kútken jaǵymdy jańalyq boldy. Komanda premer-lıgada jaqsy óner kórsetip júr. Klýbtyń úıdegi oıyndaryn ótkizý úshin «Spartak» stadıonyna jóndeý júrgizildi. Semeılikterdiń fýtboldy saǵynyp qalǵany baıqalady. «Elim-aı» men «Qaırat» arasyndaǵy oıynda stadıonǵa 10 myńnan astam jankúıer keldi.

Qazaqstan fýtbol federasııa­sy tala­byna sáıkes premer-lı­gaǵa qa­ty­satyn árbir komanda úıdegi ­mat­­ch­­­­taryn ótkizý úshin ke­minde eki men bir­neshe halyq­ara­lyq deńgeıdegi qonaqúıge ıe bolýy mindetti eken. Osyǵan oraı «Elim-aı» FK ókilderi ále­m­niń­ jetekshi qonaqúı opera­tor­la­rynyń biri Accor-men mámi­lege kelip, memorandýmǵa qol qo­ıyldy. Munda 100-den astam tu­raq­ty jumys orny ashylady. Bul joba aımaqta týrızmniń keń qanat jaıýyna yqpal etýmen qatar jer­gi­likti turǵyndardyń eńbekpen qam­ty­lýyna jol ashady. Budan bólek, Pıshevık stadıonynyń ornynda 10 myń kórermenge arnalǵan jańa zamanaýı sport arenasy salynady.

– Áńgimeńizge rahmet.

Áńgimelesken –

Qýat QIYQBAI,

«Egemen Qazaqstan»

Abaı oblysy