Foto: skrınshot vıdeo, azattyq-ruhy.kz
Azattyq-ruhy saıtynyń jazýynsha, Karına Mamashtyń ájesine dıplomattyń týysy qońyraý shalyp, qorqytqan, uryp-soǵý týraly ótinishin alyp ketýdi talap etken.
«Búgin meniń ájeme Gúlnar apa habarlasty. Ol Sákendi 3 jasynan bastap tárbıelegen eń úlken kelin. Ol ájeme kesh bolmaı turǵanda Karına aryzyn qaıtyp alsyn degen. Sákenniń Astana men tutas Qazaqstan boıynsha tanystary kóp, olar Karınany óltiredi nemese mertiktiredi dep qorqytqan», deıdi Karına Mamash.
Polısııada qorqytý faktisi boıynsha jańa qylmystyq is qozǵaldy.
«Esil aýdanynyń polısııa basqarmasy qaýip-qater faktisi boıynsha qylmystyq is qozǵady. Tergeý nátıjeleri boıynsha prosessýaldyq sheshim qabyldanady», dep habarlady Astana qalasynyń Polısııa departamenti.
Eske salaıyq, Qazaqstannyń Birikken Arab Ámirlikterindegi elshisiniń keńesshisi bolǵan kúıeýinen qorǵaýdy suraǵan Karına Mamashtyń alańdatarlyq beıneótinishinen soń QR SIM dereý óz qyzmetkerin keri shaqyrtyp alyp, ony jumystan shyǵardy, al polısııada qylmystyq is qozǵalǵan edi.
