Osy oraıda «Amanat» partııasy «Taza beısenbi» respýblıkalyq ekologııalyq aksııasyn bastady. Eldi mekender men kórikti jerlerdi qoqystan tazalaý jumystary óńirimizdiń barlyq aýdany men qalasynda uıymshyldyqpen ótti.
«Taza beısenbi» jobasynyń maqsaty – aınalany taza ustap, qorshaǵan ortany, tabıǵatty aıalaýǵa, óskeleń urpaqtyń týǵan jerine qurmetpen qaraýǵa shaqyrýǵa baǵyttalǵan. Beısenbilik is-sharaǵa tek Ulan aýdanynyń Tavrııa aýlynda ǵana 150-den asa adam qatysyp otyr», deıdi «Amanat» partııasynyń Shyǵys Qazaqstan oblystyq fılıalynyń tóraǵasy Saırangúl Jumadilova.
Tavrııa aýyldyq okrýginde ótken «Taza beısenbi» aksııasy kezinde 1000-nan asa qap qoqys jınaldy. Sharaǵa partııa janyndaǵy «Jastar rýhy» jastar qanatynyń eriktileri, depýtattar, bastaýysh partııalyq uıymdardyń músheleri jáne oblystyq, aýdandyq partııa fılıaldarynyń qyzmetkerleri men aýyl turǵyndary qatysty.
«Aýlymyzdyń mańaıyn tazalaý úshin búgin «Taza beısenbi» aksııasyna óz úlesimdi qosyp, men de qatystym. Tazalyqty ár adam ózinen bastaýy qajet dep sanaımyn. Sondyqtan búgin is-shara ótedi degende, oǵan beıjaı qaraı almadym. Bizdiń elimizdiń kez kelgen jeriniń tabıǵaty ásem. Sol ásem tabıǵatty qorǵaý – bizdiń azamattyq boryshymyz. Osyndaı ıgi is-sharalar men ekologııalyq aksııalar apta saıyn uıymdastyrylsa, halyq tarapynan qoldaýǵa ıe bolady dep esepteımin», deıdi Tavrııa aýyldyq okrýginiń turǵyny Oqan Jarqyn.
Aıtyp ótkendeı, mundaı is-shara bul kúni aımaqtyń ár óńirinde uıymdastyryldy.
Shyǵys Qazaqstan oblysy,
Ulan aýdany
