Foto: qurban2024.kz
«Musylman qaýymynyń qasıetti aıt merekesine oraı barsha qazaq elin Qurban aıt kúni júzege asatyn qaıyrymdylyq aksııasyna úles qosýǵa shaqyramyz. Halyqqa, ásirese úlken qalalarda turatyn jamaǵatqa ońtaıly bolý úshin bıyl da qurban shalý oflaın jáne onlaın formatta júzege asady», delingen habarlamada.
Qyzmetti paıdalanǵysy keletinder saıt arqyly qurbandyq malyn tańdap, qajetti qarajatty Kaspi QR arqyly aýdara alady. Qurbandyqqa qoı men eshkini bir kisi, iri qara men túıeni jeti adamǵa deıin shalýǵa bolady.
«Tapsyrysyńyz sátti bolsa, sizdiń uıaly telefonyńyzǵa Qurbandyq shalǵannan keıin onyń foto jáne beıne esebi tapsyrys berýshi kórsetken nómirge jiberiledi», dep qosty Sıfrlyq damý bóliminiń basshysy Tımýr Serikhanuly.
Saıttyń málimetinshe, jas qozy 65-80 myń teńge, qurbandyqqa shalynatyn eshki 40-50 myń, iri qara mal 350-650 myń teńge aralyǵynda bolady.
