Beıbit eldiń basty mıssııasy

Qatysýshylar halyqaralyq gýma­nı­tar­­lyq quqyq jáne bitimger­liktiń gen­derlik aspek­­­tilerin tal­qylady. Sondaı-aq oty­­rysta Qazaq­stannyń Ortalyq Azııa elderi arasynda beıbitshilikti n­y­ǵaıtý isine qosqan úlesi aıryqsha atap ótildi. Dóńgelek ústel barysynda Qor­ǵanys mınıstrligi Bitimgerlik operasııa­lar ortalyǵynyń basshysy, polkovnık Baýyr­jan Nyǵmetýllın elimizdiń áskerı qyzmet­shilerdi bitimgerlik jáne tildik daıyn­daý tájirıbesimen bóli­sýge daıyn ekenin jetkizdi.

«Qazaqstan halyqaralyq qoǵamdas­tyq­tyń jaýapty múshesi retinde BUU-nyń bitimgerlik qyzmetine qatysa otyryp, beıbitshilik pen turaqtylyqty saqtaýǵa úles qosyp keledi. 2018 jyly Qazaqstan Ortalyq Azııa elderi arasynda alǵashqy bolyp bitimgerlik bólimshelerin BUU-nyń Lıvandaǵy mıssııasyna jiberdi. Is-sharaǵa 500-den astam Qazaqstan azamaty qatysty. Bizdiń áskerı qyzmetshilerdiń Nepalda, Kot-D'Ivýarda jáne Malıde BUU mıssııalaryna qatysý tájirıbesi bar.

Qazir otandyq bitimgerler Lıvan­da, Batys Saharada, Ortalyq Afrıka Res­pýb­lıkasynda jáne Kongo Demokra­tııa­lyq Respýblıkasyndaǵy mıssııalarda qyz­met etip jatyr. Qazaqstan úshin tarıhı qadam BUU-nyń Golan jotalaryndaǵy mıs­sııa­synda bitim­gerlik kontıngentti óz betinshe óris­tetý bolyp otyr. Búginde ondaǵy mıs­sııa quramynda 139 qazaqstan­dyq qyzmet ótkerip, qarama-qarsy taraptar arasyndaǵy atys­ty toqtatý rejimin saqtaý jónindegi mindetterdi oryndap júr. Qazaqstan áskerı qyzmetshileriniń BUU bitimgerlik mıssııalaryna qatysý geografııasy­nyń keńeıýi elimizdiń áskerı jáne gýmanıtarlyq daǵdarystardan zardap shegetin adamdarǵa qoldaý kórsetýge degen oń nıetin aıǵaqtaıdy. Biz Ortalyq Azııa elderiniń bitimgerlik áleýetin kúsheıtý aıasynda BUU mıssııalary úshin sarapshylardy daıyndaýda jáne birlesken bastamalardy iske asyrýda kúsh-jigerimizdi biriktire alamyz», dedi B.Nyǵmetýllın.

Birikken Ulttar Uıymynyń Nıý-Iork­te­gi bas keńsesiniń Bitimger­lik opera­sııa­lar departamentiniń ókili Ger­bert Loret Qazaq­stan­nyń bitim­gerlik opera­sııa­larǵa qatysý úshin óz kontın­gent­terin jiberetin eldermen ózara is-qımyl jasaýdaǵy qyzme­­tin oń baǵa­lady. Ári is-shara Ortalyq Azııa óńi­rin­­de bilim men tájirıbe alma­sýǵa, daıyn­dyq turǵysynan serik­tes­tik qarym-qatynas ornatýǵa yqpal etetinine senim bildirdi.

Jalpy, Qorǵanys mınıstrliginiń Bitim­gerlik operasııalar ortalyǵynyń bazasynda ártúrli eldiń tyńdaýshy­lary­nyń qatysýymen Birikken Ulttar Uıymy sertıfıkattaǵan kýrstar uıym­das­tyrylyp turady. Ýnıver­sıtet­termen tyǵyz yntymaqtastyq­­ta halyqaralyq gýmanıtarlyq quqyqty zerdeleý, stýdentterge bitimger­lik taqyrybynda dáris ótedi. Bul áskerı qyzmetshilerdiń jaýyngerlik tájirıbe jınaqtaýyna, Qarýly kúshterdiń jaýyngerlik daıyndyǵyn jetildirýge jáne olardy odan ári damytý jóninde usynystar ázirleýge yqpal etedi. Osy maqsatta qosymsha bilim berý mekemesiniń mamandary tyńdaýshylardy oqytýdyń tásilderi men ádisterin jetildirý baǵytynda únemi jumysyn ózgertip turady. Taıaýda ǵana shtab ofıserleri arnaıy oqýda boldy. Oǵan qazaqstandyq ofıserlermen qatar Ulybrıtanııa, Germanııa jáne Qytaı qarýly kúsh­teriniń áskerı qyzmetshileri – barlyǵy 17 adam qatysty. Kýrsqa Afrıka men Taıaý Shyǵys elderindegi BUU mıssııalarynyń quramynda bitimgerlik qyzmet ótkeretin personaldy daıarlaýda praktıkalyq tájirıbesi bar ortalyqtyń áskerı qyzmetshileri nusqaýlyq etti.

«Shtab ofıserleri josparlaý­men, úılestirýmen aınalysady. Sondaı-aq tap­syrmalardyń oryndalýyn jiti qada­ǵa­laıdy. Onyń quzyre­tine jaýapkershilik aımaǵyndaǵy jaǵdaıdy naqty ýaqyt rejiminde baqylaý, oqıǵalarǵa taldaý júrgizý kiredi. Tıisti baǵyttar negizinde mıssııa qolbasshylyǵyna esepter men usynystar ázirleıdi. Mundaı kýrs­tarda biz óz tájirıbemizben bólisip, áskerı qyzmetshilerge BUU mıssııasy shtabynyń ofıseri tap bolatyn jaǵdaılar men qıyndyqtardy egjeı-tegjeı túsindiremiz. Bolashaq bitimgerler aǵylshyn tili, dalalyq medısına, radıobaılanys, shahtalar, qoldan jasalǵan jarylǵysh qurylǵylar men jarylmaǵan snarıadtar, kúsh qoldaný erejeleri, sondaı-aq halyqaralyq jáne gýmanıtarlyq quqyq normalary týraly bilimderin shyńdaıdy», dedi kýrs jetekshisi – Qorǵanys mınıstrligi Bitimgerlik operasııalar ortalyǵy bitimgerlik daıyndyq basqarmasynyń aǵa ofıseri, podpolkovnık Ermek Tólesov.

Sondaı-aq BUU Qaýipsizdik keńe­siniń 1325 (2000) «Áıelder. Álem. Qaýipsizdik» qararyn iske asyrý bo­ıynsha Qazaqstan genderlik teńdik, áıelderdi qorǵaý jáne teń quqyq saıa­satyn ustanýshy elder qatarynda ata­lady. Oǵan qazaqstandyq áskerı qyz­met­shi áıelderdiń BUU bitimgerlik operasııa­laryna áskerı baqylaýshy jáne shtab ofı­seri retinde qatysýy dálel bola alady. Búginde 8 áıel áske­­rı qyzmetshi BUU-nyń sheteldegi mıs­sııa­­lary quramynda qyz­met etedi.

Aıta keteıik, 2018 jyly BUU sertı­fıkattaýynan ótken kýrs tórt jyl qatarynan ótkizilip kele­di. Osy ýaqyt ishinde Qorǵanys mınıstr­liginiń Bitimgerlik operasııalar ortalyǵy Birikken Ulttar Uıymy mıssııalarynyń shtabtarynda jumys isteý úshin elýge jýyq sertıfıkattalǵan áskerı maman daıar­lady.