Jiti tekseristiń oń nátıjesi

Inspeksııanyń basty maq­sa­ty – áskerı ınfra­qu­ry­lym men tıisti bólimshelerdiń «Bir­les­tik-2024» ha­lyq­­­aralyq jedel-tak­tı­kalyq komandalyq-shtabtyq oqý-jattyǵýyn ótkizýge, sondaı-aq Ázer­baıjan, Qyr­ǵyz­­­stan, Tá­jik­stan jáne О́zbekstan áskerı kon­­­tın­gent­te­rin qabyldaýǵa da­ıyn­­­dyǵyn baǵalaý. Oqý-jatty­ǵý­ «Oımasha» polıgonynda jáne Mań­­ǵys­taý oblysynyń Qara­qııa ­aýdanyndaǵy Toq­maq múıisinde ótedi. Onda qa­zir­­diń ózinde qajetti ınfra­qu­­ry­lym men shatyrly lager daıyn.

Qanysh Ábýbákirov Toqmaq múıisindegi «Birles­tik-2024» oqý-jat­tyǵýynyń negizgi epızod­ta­ry­nyń biri­ óte­tin nysandy kó­rip, shatyrly qalashyqty, baı­qaý mu­na­­rasyn, áskerı-dıp­lo­ma­tııa­lyq korpýs pen BAQ ókil­de­­rin or­nalastyrýǵa arnalǵan oryndardy jaı­las­ty­rýǵa nus­qaý­lar berdi.

Sondaı-aq ol «Batys» óńirlik qolbasshylyǵy ásker­le­­ri­niń ko­man­­dalyq pýnktin, oqý-súńgýir ortalyǵyn, Ás­kerı-teńiz bazasy­nyń kemelerdi arqandap baılaýǵa ar­nalǵan pırsterin, «Jańaózen – Beıneý» avtokólik jo­lynyń áýeaılaq ýchaskesin aralady. Buǵan qosa general-leıtenant Ulttyq kontıngentter shtabynyń, ka­zar­malardyń, sharýashylyq jabdyqtaý pýnktteriniń, asha­nalar men turmystyq qyzmet kórsetý dalalyq ból­me­leriniń tehnıkalyq jaı-kúıin jiti tekserdi. Elektr qýa­tyn berý, órt qaýipsizdigi, medısınalyq jáne kóliktik qam­ta­masyz etý máselelerine qatysty naqty tapsyrmalar berdi.