Foto: instagram.com
Jýrnalıst osy istiń anyq-qanyǵyn ajyratý maqsatynda polısııa qyzmetkerin ertip, Qaraǵandy qalasyna barǵan.
Ol sońǵy ýaqytta osy iske qatysty aqparat talqylanbasa da izdeý jumystary jalǵasyp jatqanyn jetkizdi.
«Keshe men Arqalyq qalasynyń polısııa qyzmetkeri Saıat Islamovpen birge Qaraǵandy qalasyna baryp keldim. Zertteý barysynda Jánibektiń ákesi bolýy múmkin degen er adam anyqtaldy. О́kinishtisi, ol kisi ómirden ótken bolyp shyqty. Sondyqtan marqumnyń jaqyndary men et jaqyn adamdarymen sóılesý úshin polısııa qyzmetkerine erip, ózim arnaıy barǵan edim, biraq týystary sózimizge, ótinishimizge qulaq aspady. DNQ testine qan tapsyrýdan bas tartty», deıdi Qymbat Dosjan.
Radıo-habar redaksııasyna Jánibektiń ákesimen buryn jumys istegen azamat anonımdi túrde habarlasyp, áriptesiniń jas kezdegi beınesi, júris-turysy Jánibekke qatty uqsaǵanyn aıtqan.
«Tipti marqumnyń jas kezindegi sýretke qarap, biz de Jánibek balamyzdy kórgendeı boldyq. Amal qansha, marqumnyń týystary taǵy da oılanyp, oń sheshim qabyldaıdy dep kútemiz. Jánibek: «Eger osy áýlettiń balasy bolyp shyqsam, olardyń aqshasyna nemese dúnıe múlkine talasym joq», dep qolhat berýge daıyn ekenin aıtty», dep habarlady Qymbat Dosjan.
