Ortalyq saıabaqty tazalaýǵa Doskeı jáne Petrovka eldi mekenderiniń jastary da keldi. Kvest qatysýshylaryna túrli jarystar uıymdastyryldy. Olar qoqys qaldyqtaryn suryptap jarysty. Belsendi qatysqandarǵa syılyqtar úlestirildi.
«Sáýir aıynyń basynda Memleket basshysy «Taza Qazaqstan» aksııasyna bastamashy bolyp, ony jer-jerdegi el-jurt keńinen qoldady. Biz birinshi kezekte óz jerimizge, óz úıimizge uqypty qaraýymyz kerek. Bul aksııa sony úıretedi. Kvestke qatysýshylar oıyn arqyly ekologııaǵa degen qamqorlyqty, tabıǵatqa degen janashyrlyqty oıatý kerektigin túsindi. Qorshaǵan ortaǵa uqypty qaraý árqaısymyzdyń júregimizde bolýy kerek. Jáne bizdiń basty mindetimiz – osy úrdisti ármen qaraı jas urpaqqa jetkizý», deıdi jastar kóshbasshysy Janbolat Jańbyrbaev.
Buqar Jyraý aýdanynda «Taza Qazaqstan» aksııasyna 230 ujym – bes myńǵa jýyq adam qatysty. 130 arnaıy tehnıka jumyldyryldy. 10,5 myń tonna qaldyq shyǵaryldy. 44 ruqsat etilmegen qoqys polıgon tazartyldy. «Móldir bulaq» aptalyǵynda 30-dan astam bulaq tazartyldy.
О́skeleń urpaqtyń tabıǵatqa degen qamqorlyǵyn arttyrý úshin muǵalimder, oqýshylar men ata-analar qustardyń uıasyn jasady.
Munymen qosa, eldi mekenderdi kógaldandyrý baǵytynda da jumystar jandanyp, jalǵasyn taýyp jatyr. Osy kóktemde 5 300-den astam aǵash egildi. Mysaly, Qaraqudyq aýylynda jergilikti kásipkerler týǵan ólkesiniń tabıǵatyn jaqsartý úshin aksııa aıasynda pıramıdaly jáne kúmis terek, qyzyl sheten aǵashtarynyń 400 kóshetin ekti. Mine, týǵan jerge, tabıǵatqa degen taǵzymnyń úlken bir kórinisi.
Ekologııalyq aksııa áli de jalǵasady.
Qaraǵandy oblysy
