Pedagog kadrlarynyń biliktiligi men kásibı quzyrettiligin arttyrýdy maqsat etken kýrsty tyńdaýǵa 8 mektepten 150-den astam muǵalim keldi.
Qaýymdastyrylǵan professor Nurjamal Oshanova júrgizgen kýrs jumysyna Amangúl Orakova, Azııa Jumabaeva, Sáýle Ábisheva, Naǵıma Ilııasova, Serik Ivatov, Qalampyr Jumaǵulova jáne Shahıslam Laıshanov sııaqty bilim berý salasyndaǵy jetekshi sarapshylar, ǵylym doktorlary, ǵylym kandıdattary men ýnıversıtet professorlary qatysty.
Paneldik sessııada 10-nan astam taqyryp talqylanyp, bilim berýdegi sapa menedjmenti (TQM IS), belsendi oqytý ádisteri arqyly fýnksıonaldyq saýattylyqty damytý, elektrondy sıfrlyq ortada orys tili men ádebıeti oqýlyqtaryn paıdalaný, «4K modeli» jáne dıskýrstyq taldaý, muǵalimder men mektep oqýshylarynyń ǵylymı-zertteý jumystary, jaratylystaný pánderi boıynsha metapándik quzirettilikterdi qalyptastyrý, geografııa muǵalimderine geoaqparattyq bilim berý máseleleri, bilim berýde jasandy ıntellekti (JI) paıdalaný, mekteptegi ǵylymı jobalardaǵy málimetterdi taldaýǵa qatysty taqyryptar qamtyldy. Sonymen birge lıngvıstıkalyq ınterpretasııanyń oqytý ádistemesindegi orny, ǵylymdy damytý boıynsha bilim, mektepte qashyqtyqtan oqytý materıaldaryn paıdalaný, sıfrlyq pedagogıka jáne pedagogtyń IT quzyrettiligi sııaqty zamanaýı taqyryptar boıynsha da leksııalar oqyldy.
Sarapshylar óz tájirıbelerimen bólisip, kásibı daǵdylar men bilimdi damytýdyń negizgi faktorlaryna toqtalsa, qatysýshylar pedagogıkalyq praktıkasyna engize alatyn jańa bilimdi, naqty ádisterdi meńgerýge múmkindik aldy. Atalmysh kýrstarda jyl sońyna deıin myńǵa jýyq pedagog biliktiligin arttyratyn bolady.
ALMATY
