Jalpy, Oral qalasynda kúni búginge saıajaıdaǵy jalǵyz úılerin sý basqan 71 otbasyna baspana berildi. «Bul jumys ári qaraı jalǵasady», deıdi Oral qalasy ákiminiń orynbasary Jandos Dúısenǵalıev.
Bıyl kóktemde sý tasqyny kezinde Oral qalasy mańyndaǵy 8 732 saıajaı úıi sý astynda qaldy. Memleket basshysy sý tasqynynan zardap shekken turǵyndarǵa tıisti kómek kórsetýdi tapsyrǵan bolatyn.
Úkimet basshysynyń tapsyrmasyna sáıkes, qarjylyq uıymdar men demeýshiler óńirdegi zardap shekken turǵyndarǵa qolushyn sozdy. Saıajaı aýmaǵyndaǵy jalǵyz baspanasy sýǵa ketip, apatty dep tanylǵan turǵyndarǵa jańa úıler satyp alý jáne salý boıynsha jumys qyzý júrip jatyr. Sýǵa ketken saıajaı úıleriniń 2 579-y – «jalǵyz baspana» dep tanylǵan bolatyn.
Sýǵa ketken saıajaı úıiniń biri qala irgesindegi Komarovo saıajaı qoǵamynyń turǵyny Aınash Sámenovanyń jalǵyz baspanasy edi. Komıssııa sheshimimen onyń úıi «jaramsyz» dep tanylǵan. Búgin ol jańa páterine kirdi.
«2017 jyly Komarovo saıajaıynan úı salyp, otbasymyzben turyp jatqan edik. Kóktemgi tasqyn kezinde úıimizdi sý basty. Qazir, mine, jańa páterdiń kiltin qolymyzǵa aldyq. Qalanyń ortalyǵynda jańa úıde turamyz dep kútken joqpyz. Osyndaı jaǵdaı jasaǵan Memleket basshysyna alǵysymdy bildiremin», – dedi ol.
Batys Qazaqstan oblysy
