UBT: 89 talapkerdiń nátıjesi joıyldy

Ortalyqtyń deregine súıen­sek, osyǵan deıin negizgi UBT-ny tapsyrǵan talapkerlerdiń 74%-y qazaq tilinde, 26%-y orys tilinde, 115 adam aǵylshyn tilinde testileýden ótti. Testi­leý bastalǵaly shekti baldy 76% talapker jınady. Ortasha balǵa keletin bolsaq, bul ázirge 68 baldy qurady. Eń joǵary ball – 138. Áli eshbir talapker UBT-nyń eń joǵary 140 balyn jınamady. Erekshe bilim berý qajettilikteri bar oqýǵa túsýshiler úshin qolaıly jaǵdaı jasaýdyń nátıjesinde UBT-ǵa sońǵy tórt aptanyń ishinde 510 talapker qatysty.

Búgingi tańda 315 ereje buzý faktisi anyqtaldy. Onyń ishinde 219 talapker smartfon, shpargalka jáne basqa da ty­ıym salynǵan zattardy alyp ótý áreketi saldarynan test tapsyrý múmkindiginen aıyryldy. Testileý kezinde ere­jelerdi buzǵany úshin aýdıtorııadan 89 adam shyǵarylyp, olardyń nátıjeleri joıyldy. Beınejazbalardy tekserý­den soń, ereje buzǵan 7 adam­nyń nátıjesi joıyldy. Bógde tulǵalar anyqtalǵan joq.

Qosa ketsek, 2024 jylǵy UBT aıaqtalǵannan keıin de, anyǵyn aıtqanda, osy jyldyń 31 qaza­nyna deıin testileýdiń beınejazbalaryna taldaý júrgiziledi. Tyıym salynǵan zattardy paıdalaný nemese erejelerdi buzý faktileri anyqtalǵan jaǵdaıda túsýshiniń UBT nátıjeleri joıylady. Qaıbir jyldary tipti joǵary ball jınap, tegin oqýǵa túsken túlekterdiń de testi­leý beınejazbalaryna taldaý júr­gizýden keıin grantynan aıyrylyp qalǵany bar. Sol sebepti osy talapty túlekterdiń esine sala ketkimiz keledi.

Aıtpaqshy, taǵy bir eske­re­tin dúnıe UBT-ǵy nátıje úzdik attestat pen «Altyn belgige» áser etpeıdi. О́ıtkeni «Altyn bel­gi» – oqýshynyń, mektep bitirýshi­niń 1-11 synyp aralyǵynda úzdik oqyǵanyn kórsetetin belgi. Bul belgi ıegeri basqa oqýshylar sekildi testileý tapsyrady. Biraq joǵary oqý ornyna túsýde, grantqa úmitker kezinde eki mektep bitirýshiniń UBT-da jınaǵan baly birdeı bolǵan jaǵdaıda erekshe belgi ıegerine basymdyq (Mundaı basymdyq halyqara­lyq jáne respýblıkalyq olım­pıadalardyń jeńimpazdary, oqý úzdikterine de beriledi – red.) beriledi. Bıyl 11 synypty 186 myń túlek aıaqtady, erekshe belgige úmitker bolǵan 7 704 túlektiń 7 420-sy «Altyn belgi» belgi ıegeri atandy.