Foto: ixbt.com
Mınıstrdiń aıtýynsha, respýblıkada trafıktiń ósýi 2020 jylǵa qaraǵanda 61,5%-ǵa, al abonentter sany 12,9%-ǵa ósken. Speedtest Ookla-nyń 2024 jylǵy sáýirdegi derekterine sáıkes, elimiz ınternettiń ortasha jyldamdyǵy boıynsha – 43,6 Mbıt/s, álem boıynsha 66-orynda. Bul Reseı, Qyrǵyzstan, О́zbekstannan joǵary kórsetkish.
«Qazaqstanda 6 290 aýyl bar, onyń ishinde symdy ınternet arqyly optıka 2 606 aýylǵa jetkizildi. Ulttyq joba sheńberinde MJÁ tetigi arqyly 3010 aýylǵa optıkalyq baılanys jelilerin qosý kózdelgen. «Sońǵy» tutynýshy bolmaǵan jaǵdaıda shaǵyn jáne orta baılanys operatorlarynyń kúrdeli shyǵyndarynyń 50%-yn sýbsıdııalaý tetigi paıdalanylady. Nátıjesinde 2,4 mln adamnyń ınternetke qoljetimdiligi qamtamasyz etiledi. Baılanys operatorlarynan 340 mlrd teńgeden astam kólemde jeke ınvestısııa tartý kózdelip otyr. Mobıldi ınternet búginde 4 866 aýylda qoljetimdi. Salyq jeńildikteri aıasynda 2023 jyly 1 161 aýyl 4G tehnologııasyna qosyldy. Qalǵan 1 424 aýyl boıynsha jumys jalǵasyp jatyr», dedi Jaslan Mádıev.
Onyń aıtýynsha, 5G uıaly baılanysyn engizý 2025 jyldyń sońyna deıin aıaqtalady. Ksell jáne Tele2 operatorlary Astana, Almaty, Shymkent jáne oblys ortalyqtarynda 5G baılanyspen qamtýdy keńeıtý jumystaryn jalǵastyrady. Búgingi tańda 20 qalada 1 144 bazalyq stansa ornatylǵan. 2027 jyldyń sońyna deıin uıaly baılanys operatorlary telekommýnıkasııa salasyna 450 mlrd teńgeden astam ınvestısııa salady.
