Foto: Tengrinews.kz / Turar Qazanǵapov
«Men halyqty jaqsy túsinemin. Jyl sońynda biz mereke kúnderin anyqtaý úshin barlyq memlekettik organnan tıisti aqparatty suratamyz. Onyń ishinde Qazaqstan musylmandary dinı basqarmasy da bar. Olar bizge Qurban aıttyń birinshi kúni 17 maýsymda bolatyny týraly aqparatty resmı túrde usyndy. Osyǵan sáıkes kúntizbe jasaldy», dep aıtty ol.
Alaıda vedomstvo basshysynyń aıtýynsha, QMDB hatynda kúntizbege baılanysty demalys kúni aýysýy múmkin ekeni de jazylǵan.
«Sondyqtan biz Qurban aıt bastalǵanǵa deıin ıaǵnı 2 apta buryn resmı hat aldyq. Onda Qurban aıttyń birinshi kúni 16 maýsym dep jazylǵan. Zańǵa sáıkes, bul kún demalys kúnine sáıkes keldi», dep aıtty S.Jaqypova kýlýarda.
Aıta keteıik, buǵan deıin Qurban aıt meıramy 17 maýsymda dúısenbige kelip turǵandyqtan, bes kún jumys isteıtinder 15,16,17 maýsymda demalatynyn jazǵan edik.
