Foto: AP
Atalǵan mınıstr Memlekettik Al Ekhbariya telearnasyna suhbat berip, 95 qajy aýrýhanalarda em alyp jatqanyn, olardyń keıbiri bas shahar Er-Rııadqa ushaqpen jetkizilgenin aıtty. Sondaı-aq mınıstr qaıtys bolǵan qajylardyń kóbiniń jeke basyn kýálandyratyn qujattary bolmaǵandyqtan, olardyń kim ekenin anyqtaý jumystary keshiktirilip jatqanyn málimdedi. Mınıstrdiń sózinshe, marqumdar Mekkede jerlendi.
Mysyr bıligi ruqsatsyz qajylarǵa Saýd Arabııasyna barýǵa kómektesken 16 týrıstik fırmanyń lısenzııasyn qaıtaryp alǵan. Saýd Arabııasy bıligi qajylyqqa ruqsatsyz barýshylardyń jolyn kesip, ondaǵan myń adamdy elden shyǵardy. Biraq kóbi, negizinen mysyrlyqtar, Mekkedegi jáne onyń aınalasyndaǵy qasıetti jerlerge jaıaý jetken. Ruqsat etilgen qajylardan aıyrmashylyǵy olarda aptap ystyqtan jan saqtaıtyn qonaqúıleri bolmaǵan.
Associated Press agenttiginiń málimetinshe, qaıtys bolǵandardyń arasynda Indonezııadan 165, Úndistannan 98 jáne Iordanııadan, Týnısten, Marokkodan, Aljırden, Malaızııadan ondaǵan qajy bar. Sonymen qatar AQSh eki azamatynyń qaıtys bolǵanyn habarlady.
Saýd Arabııasynyń Ulttyq meteorologııa ortalyǵynyń málimeti boıynsha, bıylǵy qajylyq kezinde táýliktik joǵary temperatýra Mekke men onyń aınalasyndaǵy qasıetti oryndarda 46 - 49 gradýs aralyǵynda boldy.
Saýd Arabııasy kópshilikti baqylaýǵa jáne jyldaǵy bes kúndik qajylyqqa baratyndar úshin qaýipsizdikti qamtamasyz etýge mıllıardtaǵan dollar jumsaıdy eken. Alaıda qatysýshylardyń kóptigi atalǵan sharalardy tıisti deńgeıde júzege asyrýdy qıyndatyp otyr.
