Foto: OKQ
Qyrkúıektiń 8-13 kúnderi aralyǵynda Astanada ótetin 5-shi Dúnıejúzilik kóshpeliler oıyndary baǵdarlamasyna 21 sport túri endi, onyń jartysy - qazaqtyń ulttyq sport túrleri, qalǵany - túrki elderiniń ulttyq sport túrleri.
«Astanaǵa 89 eldiń delegasııalary keletini rastaldy. Bıylǵy Dúnıejúzilik kóshpeliler oıyndaryna 2500-den astam sportshy qatysady dep josparlanyp otyr», dedi spıker OKQ alańynda.
Vıse-mınıstr sporttyq ınfraqurylymǵa toqtala kele, bıylǵy dodada «bir syzyq» konsepsııasy qoldanylatynyn aıtty.
«Qabanbaı batyr men Turan dańǵyldarynda ornalasqan sport nysandary paıdalanylady. «Astana Arenada» jarystyń saltanatty ashylý rásimi ótedi, J.Úshkempirov atyndaǵy jekpe-jek saraıynda kúres túrlerinen jarys ótedi, jeńil atletıka maneji akkredıtasııalaýǵa arnalǵan. Sondaı-aq Ulttyq at sporty túrlerin ótkizý úshin «Qazanat» ıppodromy rekonstrýksııadan ótkizilip jatyr. «Dýman» qonaq úıinde toǵyzqumalaq, mangala jáne basqa da sport túrlerinen jarystar ótedi», dep naqtylady S.Jarasbaev.
Sonymen qatar is-shara sheńberinde halyqaralyq ǵylymı-tájirıbelik konferensııa uıymdastyrylady.
