Túlekterge – tamasha tartý
Soltústik Qazaqstan oblysy Jambyl aýdany Presnov jalpy orta bilim berý mektebiniń bıylǵy túlegi Aqmaral Sársenbekova – «Úzdik attestat» ıegeri. 11 jyl boıy mektep qabyrǵasynda úzdik oqyǵan ol taıaýda Ulttyq biryńǵaı testileýdi sátti tapsyrdy. Qalaýy – fızıka pániniń muǵalimi ataný. Joǵary bilimdi Astana qalasynda alýdy armandaıdy. Bul armannyń oryndalýyna «Otbasy bank» AQ pen jergilikti kásipker Ekpin Ábıev oń yqpal etip otyr.
«11 jyldyq ýaqyttyń jemisi – «Úzdik attestat» ıegeri atanýym. Erekshe úlgidegi qujat tabystalǵan saltanatty shara barysynda Ekpin Ábıev aǵamyzdyń atynan 100 myń teńgelik sertıfıkatqa da ıe boldym. Bul soma tolyǵymen «Otbasy bankinde» ashylǵan «AQYL» depozıtine aýdarylady. Mundaı tosyn syı qýanyshymdy odan ári eseleı tústi. Endi joǵary bilim alýymnyń negizgi qazyǵy bar. «AQYL» depozıti memlekettik grant buıyrmaǵan jaǵdaıda oqý aqysyn tóleýime kóp kómek bolary sózsiz. Ýnıversıtette tegin oqý múmkindigin alsam, shotyma odan ári qarajat jınap, ony magıstratýra nemese sheteldik oqý ornynda bilim alý úshin paıdalanamyn degen oı bar», deıdi túlek.
Túlekterdi qoldaý maqsatynda osyndaı sertıfıkattar tabystaý dástúri jyl sanap jalǵasyp kele jatqany kóńil qýantady. Bıyl Jambyl aýdanyndaǵy mektepterdi 164 oqýshy aıaqtasa, Ekpin Ábıev onyń ishindegi 8 úzdik oqýshyǵa «Otbasy bankiniń» 100 myń teńgelik syılyq sertıfıkattaryn syılady. Olardyń qatarynda eki «Altyn belgi» jáne alty «Úzdik attestat» ıegeri bar. Kásipker 2018 jyldan beri barlyǵy 63 balanyń atyna «Otbasy bankindegi» arnaıy shottaryna 6 mln teńgeden astam qarjy quıdy.
«Qazirgi jas urpaq keńestik kezeńde bir kórgen qıyndyqty kórmesin degen nıetpen bastapqyda «Otbasy bankinde» turǵyn úı jınaq shotyn ashyp, balalardyń atyna qarjy aýdara bastadym. Bıyl «Otbasy bank» taǵy bir jaqsy jınaq – «AQYL» depozıtin qolǵa aldy. Túlekterge osyndaı depozıt ashyp, oǵan 100 myń teńge aýdarýdy jón sanadym. Olardyń basty «qarýy» - sapaly bilim. Sol bilimdi alýda «AQYL» depozıtiniń áseri tıip jatsa, qýanamyn», deıdi ol.
Kásipkerdiń sertıfıkattardy tabystaýy asyp-tasyǵannan emes, urpaqtyń qamyn oılaǵannan bolýy kerek.
«Birinshiden, bul istiń tárbıelik máni bar dep esepteımin. Úzdik oqýshylarǵa mundaı sertıfıkattardyń berilip jatqanyn kórgen ózge oqýshylar olarǵa qarap boı túzep, ozat bolýǵa talpynady. Ekinshiden, mektep bitirgen shákirtterge az da bolsyn kómek. Úshinshiden, sol arqyly basqa kásipkerlerge qoldan kelgenshe jastarǵa kómek kórseteıik degen oı tastaý. El aǵalary jumylyp, balalarǵa tirek bolsaq, nur ústine nur emes pe?! Ony oryndaýda «Otbasy bank» kóp kómek kórsetip otyr. «AQYL» depozıti aıasynda bankten 12% (JTSM 12,9%-dan 13,1%-ǵa deıin), jyl sońynda memleket tarapynan taǵy 5% qosylady. Osyndaı múmkindik ata-analardy az-azdan aqsha jınaýǵa ıtermeleıdi», - deıdi mesenat.
Shot ashý jas talǵamaıdy
Osy oraıda talaı túlektiń joǵary bilimdi esh alańsyz alýyna jaǵdaı jasap otyrǵan «AQYL» depozıti týraly atap ótken jón. Buǵan deıin azamattardyń baspanaly bolýy úshin qyzmet kórsetip kelgen «Otbasy bank» bıyldan bastap balalardyń bilim alýyna da kómektesýdi qolǵa aldy.
Mundaı shot ashý jas talǵamaıdy. Onyń aıǵaǵy – aqtaýlyq náreste. Birneshe aptalyq náresteniń qazirdiń ózinde «AQYL» depozıti bar. Jınaq shottyń eń kishkentaı ıesi mektep támamdaǵan kezde onyń esebinde qomaqty soma jınalary sózsiz. Taıaýda ǵana «Otbasy bank» arqyly páter alǵan jas otbasy osylaısha sábıiniń keleshegin de oılastyryp otyr.
Al Jańaózen qalasynyń 60 jastaǵy turǵyny úsh jasar nemeresiniń qamyn jasaýǵa kiristi. «AQYL» depozıtiniń eń úlken jastaǵy salymshysy úıdiń kenjesi ósken kezde shottaǵy qarjy onyń jaqsy bilim alýyna kómektesedi degen senimde.
Bilimge baǵyttalǵan jınaqtaý júıesi kópbalaly otbasylardyń tarapynan da suranysqa ıe bolyp jatyr. Máselen, taıaýda tarazdyq erli-zaıyptylar rekord ornatty. Úsh qyz jáne bes ul tárbıelep otyrǵan otbasy olardyń árqaısysyna bilim depozıtin ashty.
Jyl basynan beri ashylǵan depozıtterdi taldasaq, balalarynyń qamyn Almaty, Shymkent qalalary jáne Mańǵystaý oblysynyń ata-analary kóbirek oılaıtyn syńaıly. Olaı deıtinimiz, dál osy óńirlerde depozıtter jıi ashylady.
«Otbasy bank» AQ Basqarma tóraıymy Lázzat Ibragımovanyń aıtýynsha, búgingi tańda «AQYL» depozıtindegi eń kóp soma 2,4 mln teńgeni quraıdy.
«Endi biz otandastarymyzǵa turǵyn úıge ǵana emes, bilim alýǵa qarajat únemdeýge kómektesemiz. Mamyr-maýsym aılarynda bul jańa ónimge degen suranys artty. Tórt aıdyń ishinde 17 myń, ıaǵnı kún saıyn 150-ge jýyq depozıt ashylady. Demek, ata-analar balalarynyń bolashaǵyna sanaly túrde qaraıdy», deıdi Lázzat Ibragımova.
«AQYL» artyqshylyqtary
Bilim berý depozıti basqalarǵa qaraǵanda áldeqaıda utymdy. «AQYL» depozıtin 3 nemese 5 jylǵa ashýǵa bolady. Depozıt keminde úsh jylǵa ashylsa, jyldyq paıyzdyq mólsherleme 12%-ǵa (JTSM 12,9%-dan 13,1%-ǵa deıin), bes jyldyq depozıt mólsherlemesi 9,5% (JTSM 9,5%-dan 10,1%-ǵa deıin) teń bolady. Oǵan qosa, memleket tarapynan qosymsha syıaqy beriledi. Jetim, ata-anasynyń qamqorlyǵynsyz qalǵan, múmkindigi shekteýli balalarǵa, kópbalaly jáne tabysy tómen otbasylar balalaryna ashylǵan depozıtterge joǵaryda atalǵan mólsherlemeden bólek memleket tarapynan 7%, salymshylardyń barlyq sanatyna 5% syıaqy esepteledi. Osylaısha, bank qosqan syıaqy aı saıyn kapıtaldandyrylady. Bul bank paıyzy depozıt somasyna qosylatyndyǵyn jáne kelesi aıda osy aqshaǵa jańadan syıaqy esepteletinin bildiredi.
Depozıttiń merzimin, paıyzdyq mólsherlemesi men kapıtaldandyrylýyn eskerer bolsaq, munyń barlyǵy jıyntyq túrde qarajatty tıimdi túrde eseleı túsedi. Oǵan myna mysal dálel: úsh jyl boıy aı saıyn 20 myń teńgeden salsańyz, óz salymdaryńyzdy eseptemegende «AQYL» depozıtindegi jınaqtar shamamen 250 myń teńgeni quraıdy. Eger 10 jyl boıy aı saıyn 20 myń teńgeden salsańyz, óz salymdaryńyzdy eseptemegende depozıttegi qarajat shamamen 4 mln teńgege jetedi. Keıin bul qarajatpen otandyq nemese sheteldik ýnıversıtette oqý aqysyn tóleýge bolady.
Mundaı somany jınaý úshin qaıtpek kerek? Ol úshin Baspana market portalyndaǵy (otbasybank.kz) oń jaq buryshynda ornalasqan jeke kabınette, bank bólimshelerinde, banktiń keńes berýshileri kómegimen, bank saıtynda beıneqońyraý qyzmetine tapsyrys berý nemese «Otbasy bank lite» mobıldi qosymshasy arqyly shot ashsańyz jetkilikti. Baıqaǵandaryńyzdaı, bank shot ashýdyń san alýan túrin usynady. Ashqan kezde mindetti túrde bastapqy jarna salý kerek. Ol 3 aılyq eseptik kórsetkishke, ıaǵnı 11 076 teńgege teń. Al odan keıin shotty qaı ýaqytta, qandaı somaǵa toltyrý qajet ekenin salymshynyń ózi belgileıdi. Atap óter jaıt, «Otbasy bankinde» ashylǵan «AQYL» depozıtin Ulttyq qordan alǵan jınaqtarmen toltyrýǵa bolady. Bıyl 18 jasqa tolǵan balalar ony enpf-otbasy.kz platformasy arqyly aýdara alady.
Mundaıda keıbir ata-analardyń kókeıinde «Balam grantqa oqýǵa tússe jyldar boıy jınaǵan aqsham «janyp» ketpeı me?» degen zańdy saýal týyndaýy múmkin. Alaıda alańdaýdyń esh qajeti joq. Balańyzdyń joly bolyp, qalaǵan mamandyǵy boıynsha joǵary bilimdi tegin alatyn múmkindigi týsa, jınaqtaý depozıtin jaýyp, memlekettik syıaqymen birge jınaq aqshanyń búkil somasyn alýǵa bolady. Sondaı-aq, shotty basqa balaǵa qaıta resimdeýge nemese magıstratýraǵa túsý maqsatynda jınaqtaýdy jalǵastyrýǵa bolady. Demek, ózge de tıimdi joldary bar.
Sol sııaqty «AQYL» depozıti memleket pen úshinshi tulǵalardyń óndirip alýlarynan qorǵalǵan, ıaǵnı bul shotty buǵattaý nemese odan qarajat alý múmkin emes. Oǵan qosa, qazaqstandyq depozıtterge kepildik berý qorynda saqtandyrylǵan. Osyndaı basym tustardy eskere otyryp, ata-analar qazirden bastap-aq balalarynyń bolashaǵy úshin tirnektep qarjy jınaı berse, artyq bolmas. Ol úshin atalǵan depozıt óte ońtaıly jaǵdaı jasap otyr.
