Foto: halyq-uni.kz
Medıaókilderge ortaq qundylyqtar bar. Biz tek ár mamanǵa osyny jiti túsindirip, nasıhattaý arqyly qundylyqtardy qalyptastyrýymyz qajet. Máselen, dúnıejúzilik fýtbol bir ǵana erejemen oınaıdy. Sol sekildi aqparattyq naryqta jahandyq halyqaralyq jýrnalıstik etıkanyń qalyptasqan normalarymen, qaǵıdattarymen jumys istesek, biraz máseleniń túıini tarqaıtynyna senimdimin.
Árıne, bul birkúndik sharýa emes. Desek te medıaqaýymdastyqtyń túrli formattaǵy kezdesýleri, talqylaýlary aıasynda halyqaralyq jýrnalıstıkanyń normalaryna beıimdelýimiz qajet. Baıqap qarasaq, ózin-ózi syılaıtyn, uzaq jyldyq dástúri bar álemdik medıaresýrstardyń árqaısysynda redaksııalyq standarttar qalyptasqan. Bul jalpymen ári jarııa túrde qabyldanǵan. Saıttarynda da ashyq kórsetilip jazylady. Kez kelgen jýrnalıst sol redaksııanyń standarttaryna sáıkes beıtaraptylyqqa, biliktilikke, obektıvtilikke, jaýapkershilikke qatysty normalaryn saqtaıdy. Bizde birde-bir buqaralyq aqparat quraldarynda redaksııalyq standart joq. Bizdiń qazirgi negizgi mindetimiz osy.
Bolat MÚRSÁLIM,
«Qazaqstan» telearnasynyń dırektory
