Foto: ANTIKOR
Ustalǵan azamat buryn sot úkimimen tárkilengen úsh úı men eki páter túrindegi memlekettik múlikti jymqyrdy degen kúdikke ilindi.
Alaıaqtyq Almaty qalasy boıynsha ákimdik pen UQKD laýazymdy adamdarynyń qatysýymen baqylaýdaǵy adamdarǵa jalǵan tómen baǵamen jáne belgilengen saýda-sattyqsyz jyljymaıtyn múlikti satý jolymen jasalǵan.
«Osy jyldyń 14 maýsymynda Bishkek qalasynda Ý. azamaty ustalǵannan keıin ol Qyrǵyz Respýblıkasy IIM qyzmetkerlerine jeńildetilgen rásimder boıynsha óz erkimen Otanyna oralýǵa daıyndyǵy týraly habarlady. Sol kúni Almaty qalasy prokýratýrasynyń úılestirýimen Sybaılas jemqorlyqqa qarsy qyzmet qyzmetkerleriniń súıemeldeýimen Ý. azamaty Qyrǵyz Respýblıkasynyń shekarasynan ótip, Almaty qalasyna jetkizildi», delingen habarlamada.
Qazirgi ýaqytta tergeý amaldary júrgizilip jatyr.
Qylmystyq-prosestik kodekstiń 201-babyna sáıkes ózge aqparat jarııa etýge jatpaıdy.
