Kórsetilimderge Qytaı Medıakorporasııasynyń 10-nan astam baǵdarlamasy men derekti fılmi iriktep alynǵan. Jobanyń maqsaty – Qazaqstan kórermenderin Qytaıdyń qazirgi damý barysymen tanystyrý, eki el halyqtary arasyndaǵy ózara túsinistik pen dostyqty bekemdeı túsý, ózara tıimdi yntymaqtastyqtyń kemel keleshegin pash etý.
Jobany uıymdastyrýshy «Qazaqstan Respýblıkasy Prezıdentiniń teleradıokesheni» KEAQ bas dırektory Raýshan Qajybaeva atalǵan is-sharaǵa qatysty túsinik bere kelip, qytaıdyń «Naǵyz dos – ómirlik baılyǵyń» degen maqalyn mysalǵa keltirdi. Ol Qazaqstan Respýblıkasy Prezıdentiniń teleradıokesheni men Qytaı Medıakorporasııasynyń yntymaqtastyǵy eki el arasyndaǵy dostyqtyń nyǵaıýyna oń yqpal etetinine, al Qytaı Medıakorporasııasynyń baǵdarlamalary Qazaqstan kórermenderine jaqsy pikir qalyptastyratynyna senim bildirdi.
Joba Qazaqstan qoǵamynyń túrli toptary tarapynan joǵary baǵa aldy. Jýrnalıst Gúljan Ramanqulova keıingi jyldary eki el túrli salada tyǵyz baılanys ornatqanyn, al Qytaı Medıakorporasııasynyń baǵdarlamalaryn kórsetý QHR men Qazaqstan halyqtary arasyndaǵy ózara túsinistikti kúsheıtip, olardy jaqyndastyrýǵa múmkindik beretinin atap ótti. Astana turǵyny Saıda Segizbaeva Qytaıdyń «Bir beldeý – bir jol» bastamasyna arnalǵan derekti fılmnen alǵan áserimen bólisti. Onyń pikirinshe, bul – júrekterge izgilik nuryn sebetin shyn mánindegi asa aýqymdy bastama, al fılm jobanyń barlyq baǵytta – ekonomıkalyq, saıası, áleýmettik baǵytta qanshalyqty tabysty júzege asyrylyp jatqanynan habar beredi ári halyqtarymyz ben mádenıetterimizdi jaqyndastyra túsedi. Sondaı-aq kórermender telebaǵdarlamalardy bir jaǵynan Qytaıdyń ózine kózqarasy, ekinshi jaǵynan olardy kóretindermen únqatysý sııaqty qarastyrýǵa bolatynyn atap ótti. Sondyqtan olar Qytaı men Qazaqstan halyqtarynyń bir-birin jaqsyraq bilýine járdemdesetin eki jaqqa da qarap ashylǵan ózindik bir tereze bolyp tabylady.
Kórsetilimder 30 maýsymda bastalyp, 6 shildege deıin sozylady. Osy ýaqyt aralyǵynda Qazaqstan BAQ-tary ózderiniń kórermenderine Qytaı Medıakorporasııasynyń birqatar telebaǵdarlamasy men derekti fılmin usynady. Olardyń arasynda «Sı Szınpınmen kezdesýler», «Jibek jolynyń sımfonııasy», «Dýnhýanǵa degen mahabbat», «Tıan-Shan taýlarynyń arǵy betinde», «Ǵajaıyp saıahat» sekildi qytaı mádenıetiniń jarqyn boıaýyna sýarylyp, qashanda jalpyadamzattyq qundylyqtar rýhy menmundalap turatyn týyndylar bar. Qytaı Medıakorporasııasy atalǵan is-sharanyń nátıjesinde Qazaqstan BAQ-taryndaǵy áriptesterimen pragmatıkalyq yntymyqtastyǵy burynǵydan da keńeıedi, sondaı-aq Qytaı-Qazaqstan baılanystarynyń jańa «altyn otyz jyldyǵyn» qurý jolyndaǵy birlesken kúsh-jigeri ári qaraı da jalǵasady dep úmittenedi.
