Foto:orda.kz
Qalalyq polısııa basqarmasynyń habarlaýynsha, Rysqulova dańǵylyndaǵy jataqhanalardyń birinde mas er adam 4-shi qabattan sekirmek bolǵan.
«Oqıǵa ornyna «Býran-175» jáne «Býran-170» patrýldik brıgadalary keldi. Mán-jaıdy zerttegen polıseıler, terezedegi adamdy áńgimege tarta bastady. Osy ýaqytta ınspektorlardyń biri yńǵaıly sátti tańdap, er adamnyń moınynan ustap, ony bólmege súırep apardy. Qatysýshynyń mas bolǵany anyqtaldy. Ol otbasylyq máselelerge baılanysty sharasyz osy is-áreketke bel býǵanyn aıtty», dedi Almaty PD jergilikti polısııa qyzmeti basqarmasynyń bastyǵy Serik Shýmaev.
Jábirlenýshige alǵashqy medısınalyq kómek kórsetilip, ári qaraı tergeý úshin Jetisý aýdanynyń polısııa basqarmasyna jetkizilgen.
«О́z-ózine qol jumsaý áreketiniń obektıvti sebepteri anyqtalyp jatyr», dep qosty Almaty polısııa departamentiniń baspasóz qyzmeti.
