Foto: Úkimettiń baspasóz qyzmeti
Premer-mınıstrdiń orynbasary Serik Jumanǵarınniń tóraǵalyǵymen ótken Respýblıkalyq jedel shtabtyń kezekti otyrysynda shegirtkege qarsy kúres boıynsha qazirgi jaǵdaı qaraldy.
Búgingi tańda hımııalyq óńdeý 2 mln ga alqapta júrgizildi, bul boljaǵan óńdeý kóleminiń 77,4%-yn quraıdy.
Abaı, Atyraý, Shyǵys Qazaqstan, Batys Qazaqstan jáne Qyzylorda oblystarynda ıtalıalyq prýsqa qarsy óńdeý aıaqtaldy. Aqmola jáne Soltústik Qazaqstan óńirlerinde jumys bastalady.
О́tken aptada nóser jaýyn men qatty jelge baılanysty Aqtóbe jáne Qostanaı oblystarynda monıtorıng pen hımııalyq óńdeý toqtatylǵan bolatyn. Jumys sársenbi-beısenbi kúnderi bastalady. О́ńirler pestısıdtermen qamtamasyz etilgen, qajet bolǵan jaǵdaıda qosymsha tehnıka jiberiledi.
Aqtóbe oblysyndaǵy RF-men búkil shekara mańy aýmaǵy óńdeldi. Tekserý basqa óńirlerdiń shekarasynda júrgiziledi. 1 shildede Serik Jumanǵarınniń RF Úkimeti tóraǵasynyń orynbasary Dmıtrıı Patrýshevpen telefon arqyly sóılesýi kezinde reseı tarapynan Qazaqstanmen shekaralas aýmaqtardy óńdeý aıaqtalǵany belgili boldy.
Sonymen qatar Serik Jumanǵarın óńirlerdiń ákimdikterine jaǵdaı tolyq turaqtalǵanǵa deıin jumys qarqynyn tómendetpeýdi tapsyrdy.
Otyrysta agrarshylardy mıneraldy tyńaıtqyshtarmen qamtamasyz etý barysy da qaraldy.
Esterińizge sala keteıik, bıyl Memleket basshysynyń tapsyrmasy aıasynda tyńaıtqysh engizý kólemin 1,5 mln tonnaǵa deıin ulǵaıtý boıynsha sharalar qabyldandy. Bul ótken jylmen salystyrǵanda 2,2 ese kóp. Naýryz aıynan bastap otandyq tyńaıtqyshtardy avanstyq sýbsıdııalaý tetigi iske asyrylýda, bul rette bıýdjettik sýbsıdııalar sharýalarǵa arzandatylǵan tyńaıtqyshtardy satý úshin óndirýshilerdiń arnaıy shottaryna aldyn ala aýdarylady.
Oblys ákimdikteriniń deregi boıynsha, 963 myń tonna tyńaıtqysh jetkizýge sharttar jasaldy, onyń 855 myń tonnasy jóneltilgen.
