Jalpy, «Jalyn» lageri 100 bala qabyldaýǵa arnalǵan. Jazǵy demalys ornyn qalpyna keltirýge shamamen 1,5 mlrd teńge jumsalǵan. Muny lagerdiń ashylý saltanatynda «Qazaqstan stýdentteriniń alıansy» qoǵamdyq birlestiginiń prezıdenti Ilııas Tústikbaev aıtty.
Lager aýmaǵynda balalarǵa arnalǵan bes jataqhana, tamaqtandyrý ǵımarattary, qonaqúıi, shyǵarmashylyq úıi, feldsherlik pýnkt jáne qyzmetkerlerge arnalǵan demalys bólmeleri bar. Demalýshylar kóńil kóteretin 102 oryndy kórermen zalynda mýzyka, vokal, bı jáne ádebı-dramalyq qoıylymdar, spektakl jáne fılmder kórsetiledi.
Demalýshylar bos ýaqytynda kitaphanaǵa baryp, túrli taqyryptaǵy shyǵarmalardy oqı alady. 12 oryndy oqý zaly 10 myń dana qazaq jáne álem ádebıeti kitaptarymen tolyqtyrylǵan.
Sondaı-aq «Jalyn» lagerinde Jetisý óńiriniń «Jasyl el» jastar eńbek jasaǵynyń 20-maýsymdyq jumysy bastaldy. Jalpy, «Jasyl el» baǵdarlamasy – jastardy jumyspen qamtý jáne Qazaqstannyń ekologııasyn qoldaýdyń biregeı jáne ózekti múmkindigi. О́tken jyldarda respýblıkanyń qalalary men oblys ortalyqtarynda ormandy qorǵaý, jasyl jelekterdi ósirýdi turaqtandyrýǵa múmkindik týdy. Oblysymyzdyń aýdan-qalalarynan kelgen 200-ge jýyq ekologııalyq is-sharaǵa qatysýshylardy, Almaty men Astanadan kelgen qonaqtardy oblystyq áleýmettik damý basqarmasynyń ókilderi jáne Alakól aýdanynyń ákimdigi qarsy alyp, barynsha qurmet kórsetti.
Alakól jaǵalaýyndaǵy «Jansaıa» lagerinde bıyl erekshe qajettiligi bar 160 bala demalady. Oblys ákiminiń baspasóz qyzmetiniń málimetinshe, Aqshı jaǵalaýyndaǵy erekshe qajettiligi bar balalarǵa arnalǵan «Jansaıa» jazǵy saýyqtyrý lageri jańa maýsymdaǵy óz jumysyn bastady. Lagerge demalýshylardyń alǵashqy legi keldi, atap aıtqanda lagerge 16 bala zańdy ókilimen birge ornalasty.
Oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Ermek Mızambaevtyń aıtýynsha, byltyr jazǵy kezeńde bul lager 127 balany tegin qabyldady. Bıyl da osyndaı 160 balany 1 zańdy ókilimen tegin demaltý josparlanyp otyr.
«Bul ortalyq 40 orynǵa eseptelgen. Ár balanyń demalý uzaqtyǵy – 5 kún. Balalardy qabyldaý I–III toptaǵy múgedektigi bar balanyń tirkelgen jeri boıynsha dárigerdiń usynysy nemese qorytyndysy negizinde iske asady. Ortalyqqa jol júrýdi uıymdastyrýdy zańdy ókil nemese erip júretin adam turǵylyqty jerinen Úsharal qalasyna deıin derbes júzege asyrady, budan ári olardy Aqshı aýlyna, lagerge jetkizýdi ortalyqtyń ózi uıymdastyrady», dedi oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Ermek Mızambaev.
Aıta keteıik, byltyr sapaly áleýmettik qyzmet kórsetý maqsatynda Alakól aýdany ákimdiginiń burynǵy rezıdensııasynyń ǵımaratyna jóndeý jumystary júrgizilip, 6 jastan 18 jasqa deıingi múgedektigi bar balalarǵa arnalǵan Alakól kóliniń jaǵalaýynda «Jansaıa» ońaltý bólimshesi bar kúndiz bolý ortalyǵyna» qarasty «Jansaıa» jazǵy saýyqtyrý lageri ashylǵan bolatyn. Lagerdiń negizgi maqsaty – medısınalyq, psıhologııalyq, kásiptik jáne áleýmettik ońaltý sharalaryn júrgizý arqyly múmkindigi shekteýli balalardyń áleýmettik mártebesin qalpyna keltirý jáne ony áleýmettik ortaǵa beıimdeý.
О́tken jyly da atalǵan lagerde bolyp, saýyqtyrý sharalaryn qabyldaǵan erekshe qajettiligi bar Táýekel bıyl da anasy Ajarmen birge ortalyqqa kelgen.
«Alakóldiń sýy shıpaly. Oǵan qosa pansıonattyń kóldiń jaǵasynda ornalasqany biz úshin qolaıly. Munda balaǵa da, anaǵa da barlyq jaǵdaı jasalǵan», deıdi Ajar. Sol sııaqty Móldir Ahmetova uly Qasen Álıhandy munda alǵash ret ákelip otyr.
«Jansaıa» lagerine alǵash ret kelip otyrmyz. Aspazdar, medbıkeler, jalpy saýyqtyrý ornynda jumys isteıtin qyzmetkerdiń bári de – sondaı meıirimdi, óz isine berilgen mamandar. Sý da, saýyqtyrý sharalaryn jasaıtyn azamattardyń aqjarqyn kóńili de – bári balama oń áser etedi dep senemin», deıdi M.Ahmetova.
Jetisý oblysy
