О́ńirge ortaq tájirıbe

Energetıka salasynyń kósh­basshy­laryn biriktiretin kásibı halyqaralyq platforma aımaqtaǵy negizgi óndirýshi kásiporyndar basshylarynyń, baqy­laýshy organdar ókilderiniń, ınves­torlardyń, jetekshi qural-jabdyq kompanııalarynyń, tehnologııa lı­senzıarlarynyń, sondaı-aq ınjener­lik-konstrýktorlyq, qurylys kásip­oryndarynyń nazaryn aýdardy. Ener­getıka mınıstrligi men «Samuryq-Energo» AQ strategııalyq áriptestigimen «Vostock Capital» kompanııasy uıym­dastyrǵan is-sha­raǵa óz elimizdiń, Qyr­ǵyz­stannyń, О́zbekstannyń jáne Tájikstannyń energetıka salasynyń mamandarymen qatar Eýropa, BAÁ, Qytaı, Japonııa, Túrkııa jáne basqa da múddeli elderden kelgen tehnologııa men jabdyq jetkizýshiler jınaldy.

Aımaq elderi arasyndaǵy yntymaq­tastyqty nyǵaıtýǵa yqpal etetin jıyn­da jylý energetıkasy salasyndaǵy syn-qaterler men strategııalarǵa den qoıyldy. Ortaq dıalog óńirdegi energetıkalyq jáne ekologııalyq qaýipsizdik, jumys istep turǵan jylý stansalarynyń senimdiligi, jylý elektr ortalyqtarynyń kómirden gazǵa aýysýynyń praktıkalyq jobalarynda kómirtegi beıtaraptyǵyna qol jetkizý mindetin eskere otyryp, tozyǵy jetken stansalardy tehnıkalyq qaıta jaraqtandyrýdy, olardy jańǵyrtý barysyndaǵy zamanaýı ınnovasııalyq sheshimderdi talqylaýǵa negizdeldi.

JEO tıimdiligin arttyrý baǵytyn­daǵy tájirıbemen almasý barysynda jobalardy iske asyrý maqsatynda qabyl­danyp jatqan tásildermen tany­sýǵa degen qyzyǵýshylyǵyn eskere otyryp, qatysýshylarǵa Almatydaǵy eń iri A.Jaqutov atyndaǵy 2-JEO-ǵa ekskýrsııa uıymdastyryldy. «AlES» AQ quramyna kiretin bul stansa otyndy kómirden gazǵa aýystyrýmen jańǵyrtýdyń bastapqy kúrdeli kezeńinen ótip jatqany málim. Iаǵnı kóptegen qarjylyq, tehnıkalyq-tehnologııalyq, sıfrlyq, ekono­mıkalyq, logıstıkalyq mindetterdi sheshý kerek. JEO-2-degi qaınaǵan jumys energetıkanyń parnıktik gaz shyǵaryndylaryn birtin­dep tó­mendetýge jáne kómirtegi beıta­rap­tyǵyna qol jetkizýge kóshýi­­niń kópqyrly aspektileri men qıyndyq­taryn aıqyn kórsetti.

2-JEO mamandary nysannyń tarıhymen tanystyryp, jabdyqtar men basqa da mańyzdy qondyrǵylardyń erekshelikterin kásibı turǵyda áńgimelep berdi. Qatysýshylar negizgi qalqan basqarmasyn, týrbınalyq sehty, №1 basqarý qalqan blogin, ashyq taratý qurylǵysynyń transformatorlaryn jáne salynyp jatqan jańa stansa nysanyn aralap kórdi.

Sonymen qatar 2-JEO-da bekitilgen kestege sáıkes jabdyqtardyń senim­diligin arttyrýǵa jáne aldaǵy jylytý maýsymynda stansanyń turaqtylyǵyn qam­tamasyz etýge baǵyttalǵan jóndeý jumystary keń qarqyn aldy. Bul aǵym­daǵy, ortasha jáne kúrdeli jóndeý jumystaryn qosa alǵanda, stansanyń týrbınalyq, qazandyq agregattaryn qalypqa keltirýdiń edáýir kólemin qamtıdy. Qazirgi kezde «Energojóndeý» О́JK mamandarynyń kúshimen 2 qazan­dyq agregat, 3 týrbınalyq agregat jáne 5 transformator jóndeýden ótti. Ortalyqty jańǵyrtý men gazǵa aýystyrý boıynsha júrgizilip jatqan jumys­tardyń oıdaǵydaı aıaqtalyp, qala ekologııasyn jaqsartýǵa yqpal etýi Almaty energetıkteriniń ıgi maqsatqa jetýdegi arshyndy qadamy bolmaq.