Rýmynııa quramasy Eý-Rýmynııa quramasy Eý- ropa chempıonatyna alǵash 1984 jyly qosylyp, sodan beri ara-tura qurlyq alamanynan boı kórsetip júr. Olardyń Eýropa chempıonatyndaǵy eń joǵary jetistigi – 2000 jylǵy shırek fınalǵa shyǵýy. Sol bıigine shyǵýǵa qarǵa adym qalǵanda súringen rýmyndar da fýtbol toıynan erte qaıtýǵa májbúr boldy. Degenmen de Rýmynııa quramasy bıylǵy Eýropa chempıonatynyń toptyq kezeńinde Belgııa, Slovakııa, Ýkraına quramalaryna qarsy oınap, E tobynan kósh bastap shyǵýy – ózi zor nátıje.
Quramanyń kapıtany Nıkolae Stanchý bul matchta jeńiske jetemiz dep senimdi shyqqanyn, jigitterdiń baryn salǵanyn aıtty. Toptyq kezeńde kósh bastap shyǵýy qurama oıynshylarynyń orasan eńbegi ekenin maqtanyshpen jetkizdi.
«Rýmyn fýtbolynyń da kúni týatyn shaq jaqyn qalǵanyn dáleldedik. Eýropa chempıonatyn toptyq kezeńnen asyp aıaqtadyq. Bul da biz úshin zor nátıje sanalady, jigitterdiń barlyǵyna da alǵys aıtamyn», dedi Rýmynııa quramasynyń bas bapkeri Edvard Iordeneský. Rýmyndar 1-taımda 20 mınýt boıy basymdyqty tizgindep, qarsylastaryn kádimgideı tyqsyrǵan. Biraq jaraqattanyp 38-mınýtta alańnan ketken qorǵaýshy Mogostyń joqtyǵy Rýmynııa quramasyna qatty batty.
Nıderland fýtbolshylary Rýmynııa quramasynyń qaqpasyna 3 gol toǵytty. Kodı Gakpo 20-mınýtta esep ashyp bergen, Donıell Malen 83-mınýtta nátıjeni eselep qana qoımaı, 90+3-mınýtta úshinshi goldy soqty. Osylaısha, bıylǵy Eýropa chempıonatynda dýbl jasaǵan alǵashqy oıynshy atandy.
1976 jyly Eýropa chempıonatynda 3-oryn oljalaǵan Nıderland quramasyna 40 jyldan beri qurlyq alamanynyń júldesi buıyrmaı keledi.
Elýdi eńsergen Vınchenso Montelladan tálim alatyn Túrkııa fýtbolshylary Aýstrııa quramasyn 1:2 esebimen utyp, shırek fınalǵa jetti. Bul oıynda da tarıhı statıstıka tirkeldi. Buryshtamadan aspandap jetken dopty qaqpada týlatqan Merıh Demıral 1-mınýtta-aq esep ashty. Eýropa chempıonatynyń tarıhyna bul kórinis pleı-off kezeńindegi eń jyldam soǵylǵan gol esebinde tirkeldi. 59-mınýtta standartty shabýyldan Demıral ekinshi golyn enshisine jazdy. Aýstrııa quramasynyń qarymta shabýylynyń biri 66-mınýtta buryshtama arqyly órbip, Mıhael Gregorıch esep aıyrmasyn qysqartqanymen, esh qaıran bolmady. Bul matchtaǵy 3 gol da standartty shabýyl – buryshtamadan soǵyldy. 1980 jyldan beri Eýropa chempıonatynyń fınaldyq kezeńinde mundaı derek tirkelgen emes.
Demıraldyń soqqan 2 golynyń arqasynda Túrkııa quramasy shırek fınalǵa 2008 jyldan beri alǵash ret shyǵyp otyr. Matchtyń mergeni atanǵan Merıh Demıral eki goldyń soǵylýyna bas bapker-diń kómekshisi Selshúk Shahınniń de eńbegi eren ekenin jetkizdi. «Bas bapkerdiń assıstenti Selshúk Aýstrııa quramasynyń standartty shabýyldy toıtarýda qaýqarly emes ekenin aıtty. Arda Gúlerdiń buryshtamadan aspandata jetkizgen dobyn golǵa ulastyrdym. Arda – óte talantty oıynshy, jastyǵyna qaramaı óte ańǵarympaz, Túrkııa fýtbolynyń jaryq juldyzy atanatyn shaǵy alda», dedi Demıral. Túrkııa oıynshylarynyń shırek fınalǵa shyǵýyna qaqpashy Mert Gúnóktiń de qosqan úlesi zor. Ol Aýstrııa quramasynyń birneshe shabýylyn toıtardy.
Túrkııa quramasy shırek fınalda Nıderland fýtbolshylaryna qarsy oınaıdy.
Shırek fınal. 5 shilde
Ispanııa – Germanııa
Portýgalııa – Fransııa
6 shilde
Anglııa – Shveısarııa
Nıderland – Túrkııa
