2023 jyldyń 1 maýsymynan bastap oblystyq kópsalaly balalar aýrýhanasynyń zamanaýı jańa ǵımaraty boı kótergen. Mekeme jańa KT jáne MRT apparattarymen, zamanaýı rentgen jáne ýltradybystyq qurylǵylarmen, sondaı-aq japondyq kúıikke qarsy tósekteri bar ozyq medısınalyq jabdyqtarmen jabdyqtalǵan. Operasııa jasaıtyn bólimder 4K deńgeıindegi beıne-endoskopııalyq keshendermen, avtonomdy jeldetkishpen jáne eń kúrdeli operasııalardy júrgizýge múmkindik beretin NERA-fıltrleri bar lamınarly tóbelermen jabdyqtalǵan.
«Qamqorlyq» ońaltý ortalyǵynyń ashylýy eń kishkentaı naýqastardy qoldaý úshin mańyzdy qadam deýge bolady. Bul jerde balalar týǵannan úsh jasqa deıin ońaltý kómegin ala alady. Sondaı-aq 2023 jyldyń qazan aıynda neırohırýrgııalyq jáne travmatologııalyq jańa bólimshelerdiń ashylýy eldiń túkpir-túkpirinen keletin túrli jaraqaty bar balalarǵa qajetti kómekti kedergisiz alýǵa múmkindik beredi.
– Áriptesterimmen 18 jastan keıin ońaltý máselelerine qatysty ózekti suraqtardy talqyladyq. О́ıtkeni osy jasqa deıingi jaǵdaı boıynsha biz aıtarlyqtaı jetistikke qol jetkizdik. Alaıda júıe 18 jastan keıingi jaǵdaıdy pysyqtaýdy qajet etedi. Biz aldaǵy jumysymyzda eskeretin kóptegen jaǵymdy tustardy atap óttik. Qarym-qatynasymyz munymen aıaqtalmaıdy. Biz jastardyń turmys jaǵdaıy men ómir sapasyn jaqsartýǵa kómektesetin zańnamalyq bastamalardy, basqa da máselelelerdi birlesip talqylaýdy jalǵastyramyz, – dedi Dınara Naýmova.
Sonymen qatar depýtat Qaraǵandy oblystyq mektep-ınternatynda bolyp, oblys boıynsha 160 balany qamtıtyn mektep kabınetteriniń jumysymen tanysty. Depýtat múgedek balalarǵa qyzmet kórsetý baǵytynda memleket-jekeshelik áriptestikti retteý týraly ınternat basshylyǵynyń usynystaryna nazar aýdardy.
