Foto: Senat
Depýtat atap ótkendeı, keıingi kezderi qoǵamǵa qatty áser etken qumar oıyndarǵa patologııalyq táýeldilik problemasy – adamnyń ómirine balta shabatyn kúrdeli másele. Bul «indet» kesirinen myńdaǵan adam óziniń jer ýchaskesin, páterin, kóligin, bıznesin joǵaltyp, óz otbasyn qarajatsyz qaldyrýyna jáne sol turǵyda bankterge jáne mıkroqarjy uıymdaryna tózimsiz somada qaryzdar bolyp qaldy.
«Resmı derekter boıynsha Qazaqstanda 350 myńnan astam lýdoman turady. Bul elimizdiń eńbekke qabiletti halqynyń 4%-yn quraıdy», dep jazdy O.Býlavkına.
Senatordyń pikirinshe, mektep oqýshylary men stýdentterdiń jáne jas áskerı qyzmetshilerdiń psıhıkasy áli nyǵaıyp, ómirdiń qıyndyqtaryna turaqty kózqarasy qalyptaspaǵandyqtan qumar oıyn olardy tolyǵymen sińiredi.
Eske salaıyq, zańmen qumar oıyndarǵa qatysýdy óz betinshe shekteýdiń eń uzaq merzimi 1 jyldan 10 jylǵa deıin uzartyldy. Sondaı-aq zańmen «Boryshkerlerdiń biryńǵaı tizilimine» engizilgen, sany shamamen 3,5 mln adamdy quraıtyn jeke tulǵalar úshin qumar oıyndar men bás tigýge qatysýǵa qosymsha tyıym salý belgilengen. Osylaısha, qabyldanatyn sharalar býkmekerlik keńselerdiń áleýetti klıentteriniń sanyn azaıtýǵa baǵyttalǵan. Budan basqa, atalǵan sanattaǵylardy qumar oıyndar men bás tigýge tartý jáne jiberý úshin zańdy tulǵalarǵa ákimshilik jaýapkershilik engiziledi.
