foto: olympic.kz
Bas bapker shákirtterin demalysqa attandyryp, 9 shildede qaıtadan jattyǵý jıyny bastalatynyn jetkizdi. «Qyzdar babyna enip keledi, 21 shildege deıin sońǵy jattyǵýdy ótkizip, Parıjge attanamyz. Lısenzııa ıelengen Nazym Qyzaıbaı (50 kg), Karına Ibragımova
(57 kg), Valentına Halzova (75 kg) zor jaýapkershilik júktelgenin sezinip otyr. Olarǵa sparrıng ótkizip, shyńdaı túsý úshin taǵy úsh boksshy barady. Bizge júktelgen mindet – boksshylardy zar kúıinde dodaǵa qosý», dedi E.Saıdalın.
Úsh boksshy da jazǵy Olımpııa oıyndaryna alǵash ret at baılap, dodaǵa qosylady. Eki dúrkin álem chempıony Nazym Qyzaıbaı – 14 jyldan beri ulttyq quramanyń múshesi. 31 jastaǵy boksshyǵa Olımpıadanyń lısenzııasy endi buıyryp otyr.
