Atalǵan oqý ornyn 200-deı jas bitirse, onyń ishinde 20-ǵa jýyǵy – halyqaralyq kelisimshart boıynsha bilim alǵan tájik eliniń azamattary. Ǵasyrǵa jýyq tarıhy bar bilim ordasyn 10 kýrsant úzdik dıplommen aıaqtady. Sonymen qatar shekarashy kýrsanttarmen birge 20-dan asa magıstrant oqýlaryn oıdaǵydaı támamdady.
Jas ofıserlerdi shyǵaryp salý rásimi Shekara akademııasy kýrsanttarynyń qyzyǵy men qıyndyǵy qatar júretin áskerı ómiri týraly sahnalyq qoıylymnan bastaldy. О́z eliniń patrıoty bolý, Otanǵa qyzmet etý – ár azamattyń boryshy. Azamattyq mindetin adal oryndap, áskerı ómirdiń qıyn da qyzyq jolyna tóze bilgen árbir kýrsant eliniń naǵyz qorǵany shekarashy ofıserge aınalady.
Kópti tebirentken qoıylymnan keıin jas qyz-jigitterdiń vals bıimen jalǵasyp, kýrsanttar N.Aldajuman, D.Ysqaq, D.Dánebekuly «Shekara akademııasy» ánin naqyshyna keltire oryndady. Is-shara barysynda Qańtar oqıǵasynda qaza tapqan 3-oqý dıvızıonnyń kýrsanttary Dáýlet Juparbekov, Jaıyq Ádilhan, Bitim Meıirhanǵa jáne Shekara akademııasynyń erlikpen qaza tapqan áskerı qyzmetshilerine qurmet kórsetildi.
Taǵylymdy keshtiń resmı bóliginde Shekara akademııasy bastyǵynyń orynbasary, ulttyq qaýipsizdik polkovnıgi J.Qarashekenov UQK tóraǵasynyń jáne Tájikstan Respýblıkasy Ulttyq qaýipsizdik komıteti tóraǵasynyń Shekara akademııasynyń túlekterine alǵashqy «leıtenant» áskerı shenin taǵaıyndaý týraly buıryqtaryn oqydy. Sodan keıin Shekara akademııasynyń basshysy, general-maıor P.Polıvanov, saltanatty rásimge kelgen qurmetti qonaqtar men osy salaǵa sanaly ǵumyryn arnaǵan shekarashy ofıserler bitirýshi túlekterge dıplomdaryn saltanatty túrde tapsyrdy.
Saltanatty rásim aıaqtalǵan soń is-sharaǵa arnaıy qatysqan Ulttyq qaýipsizdik komıteti tóraǵasynyń orynbasary Marat Qalqabaev bitirýshi túlekterdi alǵashqy «leıtenant» shenin alýymen quttyqtap, 200 kýrsant «Ýra!» uranymen kók aspan astyn qulaq tundyra jańǵyrtty. Bul olardyń oqýlaryn aman-esen aıaqtaǵanyn bildiretin júrekjardy qýanyshy bolatyn. Sodan keıin sapta turǵan kýrsanttar áskerı orkestrdiń súıemeldeýimen elimizdiń Memlekettik Ánuranyn naqyshyna keltire oryndady.
Saltanatty is-sharada Ulttyq qaýipsizdik komıteti tóraǵasynyń orynbasary – Shekara qyzmetiniń dırektory, general-maıor Erlan Aldajumanov úlken ómirge qanat qaqqan jas ofıserlerdi aıtýly kezeńmen quttyqtady.
«Tórt jyl boıy bilim nárimen sýsyndap, búginde naǵyz er azamattarǵa ǵana tán mamandyqty ıgerip, óz isiniń kásibı mamany atandyńyzdar. Sizderge jarqyn bolashaq jáne aq jol tileımin! Shekara akademııasynda alǵan bilimderińiz elimizdiń memlekettik shekarasyn qyraǵy kúzetýge arnalmaq. Sizder jaýyngerlik dástúrdi jalǵastyryp, shekara kúzetý jaýapkershiligin ala otyryp, Shekara qyzmetiniń qataryna qosylǵaly otyrsyzdar. Sondyqtan árqashanda elimizdiń qaı aımaǵynda bolsańyzdar da, ózderińizge júktelgen jaýapty mindetti abyroıly atqara bilińizder! Ofıser ataǵyna kir keltirmeńizdar», dedi ol.
Is-shara barysynda ata-analar atynan sóz alǵan A.Chaganova kýrsanttarǵa sapaly bilim men taǵylymdy tárbıe bergen áskerı ujymǵa alǵysyn bildirip, júrekjardy jyly lebizin jetkizdi. Al bitirýshi túlekterdiń atynan sóılegen leıtenant Dinmuhammed Dánebekuly: «Osy oqý ornyna eldiń túkpir-túkpirinen jınaldyq. Shekara qyzmetiniń qyr-syryna qanyǵyp, jańa dostar taptyq. Bir-birimizdi qoldap, qıyn sátterde bir jaǵadan bas, bir jeńnen qol shyǵara bildik. Shekara akademııasynyń qundy tájirıbesi bolashaqta qyzmetimizge tirek bolmaq. Bizge bilim berip, ózderiniń ómirlik baı tájirıbelerin bólisken ustazdar qaýymyna rahmet aıtamyz», dep izgi tilegin arnady.
Jıyn sońynda Shekara akademııasynyń Jaýyngerlik týyn alyp shyqqan tý ustaýshy topty shyǵaryp salǵan kýrsanttar aspanǵa tıynnan shashý shashty. Qurmetti qonaqtar men ata-analar aldynan saltanatty sherýdi Shekara akademııasy basshysynyń birinshi orynbasary, polkovnık A.Ismaılov, polkovnık K.Muhamedjanov, maıor D.Asenov, polkovnık Z.Ambarsýmıan, polkovnık E.Shapovalov, polkovnık M.Baısalbaev, polkovnık A.Erǵalıeva, podpolkovnık K.Berdiqulov, polkovnık A.Nurlan, podpolkovnık D.Nurǵalıev, aǵa leıtenant D.Muqataev bastap shyǵyp, Shekara akademııasynyń orkestr qyzmetkeri, podpolkovnık Rýslan Valeev aıaqtady.
