Birde araq iship láılip otyrǵan sheneýnik Lahmatovtyń úıine belgisiz bireý kirip keledi. Baqsa denesiniń bárin qap-qara túk basqan, kózi degen tozaqy ottyń shoǵyndaı qyp-qyzyl, múıizi men quıryǵy bar kádýilgi saıtan eken. Az-kem tanystyqtan keıin dastarqan basyna otyrýǵa ruqsat suraıdy. Lahmatov ádeppen stakan usynady. Sóıtip, syra ishýmen bastalǵan kezdesýleri syr ashýmen jalǵasyp ketedi. Sondaǵy saıtannyń aıtqan sózi:
«Burynǵydaı jumys joq qazir. Maıda-shúıde tirlikter. Sulý bıkeshterdiń basyn aınaldyramyz, bozbalalarǵa óleń jazdyramyz degendeı...» Bular endi túsinikti. Jańalyqtyń kókesi myna sózderde ǵoı: «Al saıasat, ádebıet pen ǵylymǵa biz áldeqashan aralasýdy qoıǵanbyz. Bul týraly túımedeı túsinigimiz joq. Bizdiń aramyzda tozaqty tastap, adamdarǵa jumysqa turǵandardyń qatary artyp barady. Olar kópes áıelderge úılenip, jaǵdaılaryn jasap alǵan. Barlyǵynyń laýazymy jaqsy. Adamdarǵa rahmet, áıteýir bizge para alyp úıretti. Áıtpese baıaǵyda ashtan ólýshi edik».
Saıtannyń sapalaǵynyń sońǵy sózi tóbeńe muzdaı sý quıyp jibergendeı bolady.
Sattardyń emes, saıtannyń shákirti qaptady dep júrgende, olar áldeqashan adamnan qýlyq-sumdyqta artta qalyp ketipti.
«Adamnyń saıtanynan qoryq» deýshi edi atam qazaq...
