Foto: Senaı
Depýtattar búgingi kúnge deıin №1 qalalyq aýrýhanada búırek transplantasııasy boıynsha 225 operasııa jáne baýyr transplantasııasy boıynsha 35 operasııa jasalǵany týraly habardar boldy. Depýtattarmen kezdesý barysynda dárigerler organdar donorlyǵyna qoǵamda oń kózqaras qalyptastyrý, donorlar tapshylyǵynyń aldyn alýdyń zańnamalyq tetikterin jetildirý jóninde pikir almasty.
№2 qalalyq kópsalaly aýrýhanada senatorlarǵa neırohırýrgııa ortalyǵynyń jumysy týraly aıtyldy. Munda Ulttyq neırohırýrgııalyq ortalyqtyń bilikti dárigerleri jumys isteıdi, sondaı-aq ınsýlt alǵan pasıentterdiń jan-jaqty qalpyna kelýine múmkindik beretin angıografııalyq qurylǵy ornatylǵan. Alaıda mekeme basshylyǵynyń aıtýynsha, aýrýhana qarjynyń jetispeýshiligine baılanysty óz múmkindikterin tolyq paıdalana almaı keledi. О́ıtkeni joǵary tehnologııalyq medısınalyq kómekke muqtaj pasıentterge qajetti qarjy ótinimge sáıkes tolyq tólenbeı otyr.
Senatorlar Shymkenttegi eki klınıkalyq aýrýhananyń jaǵdaıymen tanysty jáne osyndaǵy problemalardy baqylaýǵa alatyn boldy. Sapar barysynda naýqastar tap bolatyn problemalardy sheshý jóninde tıisti mekemelerdiń ókilderimen máselelerdi birge talqylady.
