Ekonomıka • 16 Shilde, 2024

Bıyl elimizde 60,5 mıllıard tekshe metr gaz óndiriledi

200 ret

kórsetildi

1 mın

oqý úshin

QR Energetıka mınıstri Almasadam Sátqalıev bıyl Qazaqstanda 60,5 mlrd tekshe metr gaz óndirý josparlanyp otyrǵanyn habarlady. Bul ótken jylmen salystyrǵanda 2,3 paıyzǵa kóp, dep jazady Egemen.kz.

Qyrmyzy JUMAǴALIQYZY

Bıyl elimizde 60,5 mıllıard tekshe metr gaz óndiriledi

Foto: elements.evento

Energetıka mınıstrliginiń málimtinshe, 2024 jyldyń qańtar-maýsym aılarynda 30 mlrd tekshe metr gaz óndirilgen, bul jyldyq jospardyń 49,5%-yn quraıdy. Gaz óndirýdiń negizgi ósimi Qarashyǵanaq, Teńiz jáne Qashaǵan sııaqty iri ken oryndary esebinen qarastyrylǵan.

«2023 jyly taýarlyq gaz óndirý kólemi 29,8 mlrd tekshe metrdi qurady. 2024 jylǵa arnalǵan jospar 29,8 mlrd tekshe metr bolsa, onda birinshi jartyjyldyqta 14,9 mlrd tekshe metr óndirildi, bul 2024 jylǵa arnalǵan jospardyń 50 paıyzyn quraıdy», dep túsindirdi Almasadam Sátqalıev.

Mınıstrdiń aıtýynsha, 2023 jyly taýarlyq gazdyń jalpy kóleminiń 19,4 mlrd tekshe metri ishki naryq qajettiligine jetkizilgen. 2024 jylǵa arnalǵan boljamdy tutyný kólemi shamamen 20,9 mlrd tekshe metrdi quraǵan.

Al 2023 jyly suıytylǵan munaı gazyn óndirý kólemi 1,6 mln tonnany quraǵan edi. Mınıstr 2024 jylǵa arnalǵan jospardyń da osyndaı ekenin atap ótti. 2024 jyldyń qańtar-maýsym aılarynda 0,8 mln tonna suıytylǵan munaı gazy óndirilgen.