Foto: redtram.com
«Boksshy sýsyzdaný saldarynan aýrýhanaǵa jatqyzyldy. Bul jaǵdaı WBO jáne IBF Unified-tiń josparlanǵan týrnırin keıinge qaldyrýǵa májbúr etti. Jánibektiń komandasy aldaǵy 10 kún ishinde onyń jaǵdaıy týraly egjeı-tegjeıli medısınalyq túsinikteme berýi tıis, onyń ishinde, medısınalyq qorytyndylar, saýyǵý boljamy jáne sportshynyń fızıkalyq jáne densaýlyq jaǵdaıy qashan qalypqa keletini týraly dárigerdiń pikiri bolýy kerek. Buıryq oryndalmasa Álimhanuly kelisim boıynsha barlyq quqyqtarynan shettetilip, chempıondyq belbeý quqyǵynan bas tartýǵa májbúr bolýy múmkin», delingen hatta.
Boks uıymynyń talabyna Jánibek Álimhanulynyń menedjeri, WBO jáne IBF tujyrymdary boıynsha álem chempıony Egıs Klımas jaýap berdi. Ol WBO suratqan qujattar der shaǵynda usynylady dep sendirdi.
«Bizde atalǵan qujattarmen eshqandaı másele týyndamaıdy. Ol salmaq tastaý kezinde esinen tanyp qalǵan alǵashqy boksshy emes. Biz jekpe-jekti basqa ýaqytqa aýystyramyz. Osy jekpe-jek úshin alys jol júrip kelgen Mıhaılovıchke ókinishimdi bildiremin», dedi Egıs Klımas.
Sátsiz oqıǵadan keıin Jánibek Álimhanulynyń densaýlyǵy qalaı ekeni belgili boldy.
Buǵan deıin jańazelandııalyq boksshy Jánibek Álimhanulynyń bul jaǵdaıyn «ǵasyr oqıǵasyna» teńegen edi.
