Foto: OKQ
Bul týraly mınıstr Nurjan Nurjigitov Qyzylorda oblysy turǵyndarymen kezdesý barysynda aıtty. Vedomstvo basshysynyń málimdeýinshe, qazirgi ýaqytta Dúnıejúzilik banktiń granty esebinen joba boıynsha qajetti qujattama ázirlenip jatyr.
Joba úsh negizgi baǵyttan turady:
1) Soltústik Aral men Syrdarııa ózeniniń salasyndaǵy ınfraqurylymdy damytý jáne gıdrologııalyq jaǵdaıyn jaqsartý;
2) Qyzylorda oblysyndaǵy turaqty ekonomıkalyq, áleýmettik jáne ekologııalyq jaǵdaıdy qoldaý;
3) Sý resýrstaryn basqarýdyń aqparattyq bazasy men júıelerin jańartý.
Jobanyń birinshi kezeńiniń qorytyndysy boıynsha Kókaral bógeti salynǵan jáne Soltústik Araldaǵy sý kólemi 27,1 mlrd tekshe metrge jetken.
«Ekinshi kezeń sý resýrstaryn basqarýdy jaqsartýǵa, balyq sharýashylyǵy men ekotýrızmdi damytýǵa, óńirdiń ekologııalyq jaǵdaıyn jaqsartýǵa jáne Soltústik Aral teńizinde sý jınaqtaýdyń kólemi men tıimdiligin arttyrýǵa arnalǵan», dedi mınıstr.
