Eske sala keteıik, konkýrstyń birinshi kúngi qorytyndysy boıynsha ánshi 70 baldyń 69-yn jınady. Otandasymyz qatysýshylardan oq boıy ozyq shyǵyp, birinshi orynnan kórindi.
Ernazar udaıy sheberligin shyńdap, qabiletin arttyryp keledi. Ol Almatydaǵy estradalyq-sımfonııalyq orkestrde óner kórsetedi. Dısneı kompanııasynyń «Juldyzdar sherýi» jáne «Bolashaq» qoǵamdyq qorynyń biregeı birlesken jobasyna qatysty. Jobada ónerpaz «Sulý men qubyjyq» fılminiń keıipkerlerin qazaq tilinde sóıletti.
Aıta keteıik, bul – Ernazar Jubannyń alǵashqy jeńisi emes. 2017 jyly ol Delfı oıyndarynda jáne halyqaralyq «Na krylıah mýzykı» baıqaýynda birinshi orynnan kórindi. 2018 jyly «Jas qyran» daryndy stýdentter tizimine endi. 2020 jyly «H Factor» jobasynyń fınalısi atanyp, «Sarandev» halyqaralyq vokal konkýrsynyń jeńimpazy boldy. 2021 jyly Rýmynııadaǵy «XVI – George GRIGORIU» halyqaralyq baıqaýynda Qazaqstan atynan qatysyp, jeńimpaz atandy. 2021 jyly «Qazaqstan daýysy» jobasynyń shırek fınalyna shyqty.
О́ner jolynda jarqyraı shyqqan jas juldyzdyń shyǵarmashylyǵyna tabys tileımiz.
