foto: senate.parlam.kz
Sottaǵy kezdesýde zańnamadaǵy sot júıesin reformalaý jáne quqyq qoldaný jónindegi ózgerister talqylandy. N.Beknazarov Prezıdenttiń tapsyrmasynan týyndaıtyn mindetterdi iske asyrý týraly aıta kelip, Parlament qabyldaǵan zańdar jáne «Qazaqstan Respýblıkasynyń sot júıesi men sýdıalarynyń mártebesi týraly» Konstıtýsııalyq zańǵa engizilgen ózgerister týraly áńgimeledi.
«Qabyldanǵan zańdar, eń aldymen, qoǵamnyń sotqa degen senimin kúsheıtý úshin ádil sot tóreligin, sondaı-aq azamattar quqyǵynyń qorǵalýyn jáne sot pen sot rásimderiniń zamanaýı talaptarǵa saı bolýyn qamtamasyz etýge arnalǵan», dedi senator.
Polısııa departamentinde qoǵamdyq qaýipsizdikti qamtamasyz etý jáne quqyq buzýshylyqtyń aldyn alý máseleleri sóz boldy. Polısııa departamentiniń bastyǵy senatorǵa qaladaǵy qylmystyń 24,8%-ǵa tómendegeni týraly baıandady. Sonymen qatar jergilikti polısııa departamenti jumysynyń tıimdiligin arttyrý týraly tyń sheshimder qabyldaý qajettigin, olardyń biri polısııa qyzmetkerleriniń sanyn kóbeıtý ekenin atap ótti. Senator óz kezeginde quqyq qorǵaý júıesindegi reformalardyń jáne quqyqtyq memleketti nyǵaıtýdyń mańyzdylyǵyna toqtaldy.
N.Beknazarov azamattardy jeke de qabyldady. Onda kóshelerge ardagerlerdiń esimderin berý, bıznesti qoldaý, jumysqa ornalastyrý jáne densaýlyq saqtaý máseleleri talqylandy.
«Mundaı kezdesýler óte mańyzdy. Biz Prezıdent tapsyrmalarynyń oryndalýyn qadaǵalap qana qoımaı, halyqty tolǵandyratyn máselelerge de nazar aýdaramyz. Barlyq kóterilgen máseleler qoldanystaǵy zańnama aıasynda qaralyp, sheshiletin bolady», dep atap ótti depýtat.
