Alaıaq alysqa barmady

Sybaılas jemqorlyqqa qarsy is-qımyl agenttigi 2023 jyldan beri izdeýde júrgen Ý. esimdi azamatty ustap, Almaty qalasy Polısııa departamentiniń ýaqytsha ustaý ızolıatoryna qamaýǵa aldy. Oǵan buryn sot úkimimen tárkilengen úsh úı men eki páter túrindegi memlekettik múlikti jymqyrdy degen aıyp taǵylǵan.

Alaıaqtyq Almaty qalalyq ákimdigi men UQK departamenti laýazymdy adamdary­nyń qatysýymen baqylaýdaǵy adamdarǵa jalǵan tómen baǵamen jáne belgilengen saýda-sattyqsyz jyljymaıtyn múlikti satý jolymen jasalǵan. 14 maýsymda Bish­kek qalasynda Ý. ustalǵannan keıin ol Qyr­ǵyz Respýblıkasy IIM qyzmetkerlerine je­ńildetilgen rásimdermen óz erkimen Otanyna oralýǵa daıyndyǵy týraly habarlaǵan.

Sol kúni Almaty qalasy prokýratýra­synyń úılestirýimen Sybaılas jem­qorlyqqa qarsy is-qımyl agenttigi qyz­met­ker­leri Ý. esimdi azamatty Qyrǵyz Respýb­lı­kasynyń shekarasynan ótkizip, Almaty qalasyna jetkizdi. Qazirgi ýaqytta kúdik­tiniń qatysýymen tergeý áreketteri júrip jatyr.

Qylmystyq-prosestik kodekstiń 201-babyna sáıkes ózge aqparat jarııa etýge jatpaıdy. Konstıtýsııanyń 77-baby 3-tarmaǵynyń 1-tarmaqshasyna jáne Qyl­­mystyq-prosestik kodekstiń 19-baby 1-bóligine sáıkes qylmystyq quqyq buzý­shy­lyq jasaýdaǵy kinási sottyń zańdy kúshi­ne engen úkimimen belgilengenge deıin árbir adam kinásiz dep esepteledi.