Ult saýlyǵy máselesi talqylandy

Aptalyqty uıymdastyrýǵa jasóspirimderdiń jynystyq ómirdiń erte bastalýynan týyn­daıtyn qaýipten arashalaý máselesi túrtki bolǵan. Mun­da erte júktiliktiń aldyn alý, jasóspirimder arasyn­da jynystyq jolmen taraıtyn ınfeksııalardyń jáne AITV-ınfeksııasynyń taralýyna jol bermeý syndy asa mańyzdy baǵyttar bar. Ap­ta­lyq aıasynda alǵa qoıǵan min­detterdi úılesimdi iske asyrý úshin jergilikti memlekettik organdardyń, halyqaralyq jáne úkimettik emes uıymdardyń resýrstary jumyldyrylǵan. Bu­dan aldyn reprodýktıvti den­saý­lyqty saqtaý máseleleri boıynsha spıkerler pýly qu­ry­lyp, jumystyń negizgi baǵyt­tary pysyqtalǵanyn aıta ketkenimiz jón.

Aptanyń alǵashqy kúninde Ortalyq kommýnıkasııalar qyzmetiniń alańynda, sondaı-aq barlyq óńirlerde baspasóz máslıhaty ótken. Munyń izin­she jalpy reprodýktıvti densaý­lyq, jasóspirimder men jas­tardyń reprodýktıvti densaý­lyǵy, otbasyn josparlaý, jy­nys­tyq jolmen taraıtyn ın­fek­sııalarǵa qarsy turý, adam papıllomavırýsynyń aldyn alý syndy kún tártibindegi negizi baǵyttar nazardan tys qalmady. Apta sheńberinde Ulttyq komıssııa músheleri erte júktiliktiń aldyn alý, jasóspirimder men jastardy tárbıeleý boıynsha qabyldanyp jatqan is-sharalarǵa egjeı-tegjeı taldaý júrgizdi.

Budan ózge Ulttyq komıssııa músheleriniń qatysýy­men aqparattyq-aǵartý is-sharalary, densaýlyq orta­lyqtarynda ashyq esik kúni ótti. Jastar men jasóspirimder, ata-analar qaýymdastyǵy tegin medı­sınalyq tekserýden ótip, konsýltasııa aldy. Sonymen qatar dárister, semınarlar, dóńgelek ústel otyrys­tary, saýalnamalarmen qosa sport­tyq jáne saýyqtyrý is-sharalary uıymdastyrylǵan. Oblys, qala, aýdan, aýyldarda uıymdastyrylǵan aptalyqta turǵyndar reprodýktıvti den­saýlyq týraly senimdi aqpa­ratty bilýge, bilikti mamandarǵa su­raq qoıyp, tekserýden ótýge múmkindik aldy. Ulttyq komıssııa sarapshylary qarap qalmaı, stasıonarlarǵa, em­hanalyq býyn mekemelerine, otbasyn josparlaý ortalyq­taryna, Jastar densaýlyq ortalyqtaryna, balalar úıle­rine, oqý oryndaryna, balalar ortalyqtaryna bardy. Olar jaı barmaı, úkimettik emes uıymdardyń ókilderimen, dárigerlermen jáne osy salanyń beıindi mamandarymen kezdesti.

Sonymen aptalyq bary­synda el boıynsha barly­ǵy 10 000-ǵa jýyq is-shara ótip, oǵan 300 000-nan asa adam qatysqan. Qýan­tarlyǵy onyń 40%-y – jasós­pirimder. О́ńirler arasynda Den­saý­lyq saqtaý mınıstrliginiń bastamasymen uıymdastyrylǵan is-sharalarǵa qatysýdan Almaty qalasy, Abaı oblysy, Almaty, Qaraǵandy jáne Túrkistan oblystary kósh bastady. Ákimdikte – Astana, Almaty, Atyraý, Aqtóbe, Abaı, Almaty, Qaraǵandy jáne Batys Qazaqstan oblystary alǵa shyǵypty.

Aptalyq sońy dóńgelek ústel otyrysymen túıindeldi. Onda Ulttyq komıssııa sarapshylary men memlekettik organdardyń ókilderi bas qosyp, qorytyndy shyǵardy. Sáıkesinshe, osy kúni Ulttyq komıssııa sarapshylary halyqtyń reprodýktıvti densaýlyǵyn saqtaý jáne ny­ǵaıtý boıynsha usynystardy saralaı kele, usynys-tilekterdi basshylyqqa aldy.