Foto: «Jolaýshylar tasymaly»
«Qanysh Sátbaevtyń qyzmeti Jezqazǵan qalasymen tyǵyz baılanysty bolǵandyqtan №65/66 «Astana-Jezqazǵan» baǵytyndaǵy poıyz arnaıy rásimdeldi. Rásimdelgen poıyz kúzdiń basyna deıin kúnara qatynaıtyn bolady», delingen «Jolaýshylar tasymaly» AQ baspasóz qyzmetiniń habarlamasynda.
Qazaqtyń kórnekti qaıratkerlerine arnalǵan taqyryptyq jobany Ulttyq tasymaldaýshy «Qazaqmys» kompanııasymen birlesip alǵash ret iske asyryp otyr. Poıyzdyń syrtqy jaǵynda Qanysh Sátbaevtyń ómir súrgen jyldary men onyń mereıtoılyq portreti beınelengen. Joba uly qazaq ǵalymynyń esimin qasterleýge baǵyttalǵan.
Qanysh Sátbaev iri mys, kómir jáne basqa da paıdaly qazbalar ken oryndaryn ashyp, elimizdiń ekonomıkalyq damýyna edáýir úles qosyp, tarıhta óshpes iz qaldyrǵan uly tulǵa.
