Foto: dzen.ru
Marapattalǵandardyń ishindegi jeteýine – «Qurmet», 11-ine III dárejeli «Eńbek Dańqy» ordeni tabystaldy. Odan bólek 13 metallýrg – «Eren eńbegi úshin» medalimen, 7 qyzmetker Memleket basshysynyń Qurmet gramotasymen marapattaldy. Bul mártebeli marapattardy aımaq basshysy Ermaǵanbet Bólekpaev saltanatty rásim kezinde tapsyrdy.
– Bul salada eńbek etken ardagerlerdiń eńbegi zor. Solardyń eren eńbegimen búginde alyp kompanııa elimizdegi metallýrgııanyń alǵashqy alpaýytyna aınaldy. Bizdiń kombınat Qazaqstanda shyǵatyn bolattyń basym úlesin óndiredi. Sonymen qatar kombınat Qazaqstanda óndiriletin ónerkásip ónimderiniń 25 paıyzyn qamtamasyz etedi. Mundaǵy eńbekkerlerdiń barlyǵy qazaqstandyq Magnıtkanyń damýyna úlesin qosyp jatyr, – dedi aımaq basshysy.
Metallýrgterdi mereıli merekesimen «Qarmet» dırektorlar keńesiniń tóraǵasy Andreı Lavrentev te quttyqtap, qajyrly eńbekterine tolaıym tabys tiledi.
– Metallýrgter kúni – bul kombınattyń uly tarıhyna qanyqqan naǵyz erliktiń, kúshtiń, ómirlik energııanyń merekesi. Memleket basshysy qyzmetkerlerimizdiń eńbegin osylaı joǵary baǵalaǵany biz úshin óte mańyzdy. Búgin «Qarmet»-tiń jańa dáýiri, naǵyz qaıta jandaný dáýiri bastaldy, – dedi tóraǵa.
Marapat alǵandardyń qatarynda talaı jyldan beri qyzmet istep kele jatqan tájirıbeli mamandar da, úzdik jas mamandar da bar. Solardyń ishindegi Vladımır Fılıppovtyń kombınattaǵy eńbegine elý jyl tolypty. Alǵash jumysqa qarapaıym jumysker bolyp qabyldanǵan ol josparlaý jáne jedel basqarý jónindegi dırektory.
– Mektep bitirgennen keıin birden ákem meni kombınatqa alyp keldi. Odan keıin ásker. Sodan kombınatqa qaıta kelip, úzdiksiz óńdeý qondyrǵylaryn basqarý postynyń operatory bolyp jumysqa turdym. Eńbekten qashpadyq. Bel ortasynda júrdik. Bolattaı shyńdaldyq. Eńbegimdi baǵalaǵanyna qýanyshtymyn, – deıdi «Qurmet» ordenin omyraýyna taqqan Vladımır Fılıppov.
Qaraǵandy oblysy
