Foto: inbusiness.kz
Sportshylardyń izashar saltanatty sharasy burynǵydaı jabyq ǵımaratta ótpeıdi. Bıylǵy dodanyń basty ereksheligi de osy ıdeıa tóńireginde órbıdi.
«Uıymdastyrý komıteti 26 shildede júzdegen qaıyq myńdaǵan sportshy men ónerpazdy Sena ózeni boıymen tasymaldaıdy. Aýsterlıs kópirinen bastalatyn parad Notr-Dam de Parı sobory arqyly ótip, Eıfel munarasyna jaqyn jerden, kópirler men shlıýzderden, sonyń ishinde Pon de Art pen Pon Noıftyń astynan jáne Fransııa astanasynyń kóptegen kórnekti ornynyń janynan ótetinin málimdedi».
Aıryqsha shoý 12 bólimnen turady. Paradqa sportshylarmen birge óner adamdary da qatysady. Saltanatty is-shara jergilikti ýaqytpen 19.30-da bastalyp, shamamen tórt saǵatqa sozylady dep josparlanǵan. Al qaýipsizdikti qamtamasyz etýge 45 myńǵa jýyq polısııa jumyldyrylmaq.
Dese de Qazaqstan quramasynyń músheleri ashylý saltanatyna túgel qatyspaıdy. Onyń sebebin tilshimiz Almas Manap Parıj tórinen qandaı syı buıyrady maqalasynda tarqatyp jazdy.
Buǵan deıin Olımpıadaǵa sportshylardy resmı shyǵaryp salý rásimi ótkenin habarlaǵan edik.
