Foto: opennews.kz
Buǵan deıin óńirlik rámizderdi rámizderdiń sıpattamasyn ázirleý men olardy paıdalaný tártibin aıqyndaý quzyreti Astana jáne Almaty qalalarynyń máslıhattaryna ǵana qoljetimdi boldy. Al ózge aımaqtarda bul másele normatıvtik-quqyqtyq aktiler deńgeıinde bekitilmegen edi. Osy olqylyqtyń saldarynan jergilikti ákimder óńirlik rámizderdiń sıpattamasyn ázirleý men paıdalaný tártibin ózderi aıqyndap kelgen.
О́ńirlik rámizderdi ázirleý júıesin retke keltirý boıynsha «Úlgilik qaǵıda» daıyndalǵanyn aıtady. Qaǵıda mátini 23 shildege deıin qoǵamdyq talqylaý úshin «Ashyq NQA» saıtynda ornalastyryldy.
Tilshimiz Jadyra Músilim geraldıst mamandardyń taqyrypqa qatysty pikiri men usynystaryn tyńdady.
Máselen, geraldıst Aıdyn Rysbekuly «Jergilikti memlekettik basqarý jáne ózin-ózi basqarý týraly» zańǵa engen «óńirlik nyshandar» termınin «óńirlik rámizder» dep ózgertýdi usyndy.
Jalpy «óńirlik rámizderdi» bekitýdiń mańyzdylyǵy men oǵan qoıylatyn talaptardy gazetimizdiń búgingi sanynda jaryq kórgen Jadyra Músilimniń «О́ńirlik tóltańba asqaq bolýy shart» maqalasynan oqı alasyzdar.
