«Qazaqstan men Ázerbaıjan – strategııalyq seriktes ári odaqtas elder. Munyń kepili – Memleketter basshylary arasyndaǵy saıası dıalog. Prezıdentter jıi kezdesýler ótkizip, ózara saparlar jasaıdy. Bizdiń Prezıdenttiń Bakýde COP29-ǵa qatysýyn kútemiz», dedi Elshi. Esterińizge sala keteıik, bıyl qarasha aıynda Ázerbaıjanda BUU-nyń Klımattyń ózgerýi týraly negizdemelik konvensııasyna baılanysty konferensııasynyń 29-shy sessııasy ótedi. Bul týraly sheshim byltyr 11 jeltoqsanynda Dýbaıda ótken SOR28 plenarlyq otyrysynda qabyldandy. Eki apta ishinde Baký álemniń ortalyǵyna aınalyp, 70-80 myńǵa jýyq sheteldik qonaqtardy qabyldaıdy.
Budan bólek, Qazaqstannyń Ázerbaıjandaǵy Elshisi Álim Baıel byltyr osy elge Ortalyq Azııadan barǵan árbir ekinshi týrıst Qazaqstannan kelgenin aıtty. Byltyr Ázerbaıjanǵa 58 myń, bıyl qańtar-maýsym aılarynda 38 myńnan astam qazaq týrısteri kelgen.
