Bul kezdesý Memleket basshysynyń Qazaqstan halqy Assambleıasynyń HHHIII sessııasynda bergen jastardyń jobalary men bastamalaryna ortalyq memlekettik jáne jergilikti atqarýshy organdar tarapynan jan-jaqty qoldaý kórsetýge qatysty tapsyrmalaryn iske asyrý aıasynda uıymdastyryldy.
Jıynǵa Prezıdent Ákimshiligi Qazaqstan halqy Assambleıasy hatshylyǵynyń, QR Mádenıet jáne aqparat mınıstrliginiń, «Assambleıa jastary» uıymynyń ókilderi qatysty.
Otyrys barysynda halyqaralyq uıymdar deńgeıinde qoǵamdyq kelisim men birliktiń otandyq modelin ilgeriletýge baǵyttalǵan «Assambleıa jastary» RQB jastar jobalarynyń tizbesin anyqtaý, sondaı-aq jastar úshin halyqaralyq uıymdardyń bilim berý, gýmanıtarlyq jáne qoǵamdyq jumystaryna qatysý jańa múmkindikter jasaý máseleleri talqylandy.
Bul rette «Assambleıa jastary» RQB-nyń birqatar bastamalary qaraldy. Qazaqstan halqy Assambleıasynyń 30 jyldyq mereıtoıy jylynda IýNESKO-nyń Parıjdegi shtab-páterinde IýNESKO basshylyǵynyń qatysýymen jeke kórme, konferensııa nemese dóńgelek ústel aıasynda QHA men «Assambleıa jastary» jastar uıymy qyzmetiniń tusaýkeserin uıymdastyrý josparlandy.
Sondaı-aq «Assambleıa jastary» RQB uıymyn IýNESKO-nyń Jahandyq jastar qoǵamdastyǵynyń músheligine engizýge jáne uıymnyń 2025 jyly IýNESKO Jastar forýmynyń jumysyna qatysýyna kómek kórsetý; QHA jastar ókilderiniń qatysýymen jáne Nıý-Iorkte BUU Ekonomıkalyq jáne Áleýmettik Keńesiniń Jastar forýmy aıasyndaǵy «Assambleıa jastary» qyzmetiniń tusaýkeseri; halyqaralyq uıymdardyń jastar keńesterine qosý týraly usynystar aıtyldy.
