Izgi maqsatqa úndegen is-shara

InEcoFest-2024 merekesiniń Bas botanıkalyq baqta uıym­dastyrylýynyń ózindik máni bar. Bul – almatylyqtar men qala qonaqtarynyń súıikti demalys orny, aınala men adam­ǵa qamqorlyq jarasymdy úı­le­sim tapqan ınklıýzıvti alań. Botanıkalyq ǵylym ortaly­ǵyn­da janǵa jaıly demalys ornyn qalyptastyrýǵa umtylys álemniń túkpir-túkpirinen bire­geı ósimdikter jınaýdyń ma­ńy­zynan kem túspeıdi. Baqqa kirý múgedek adamdarǵa árqashan tegin. Taza aýyzsý burqaqtary, demalýǵa arnalǵan yńǵaıly oryndyqtar, pandýstar men sanıtarlyq, sondaı-aq júrip-turýy qıyn azamattarǵa arnalyp jabdyqtalǵan bólmeler árbir kelýshiniń qajettiligi barynsha eskerilgenin kórsetip tur. Otbasylyq mereke keń kólemdi tanymdyq jáne oıyn-saýyq baǵdarlamasyn usyna otyryp, adamdardy bir-birine qurmetpen qaraýǵa, tabıǵatqa janashyrlyq tanytýǵa jumyldyrady.

«Adam – ekojúıeniń bir bóligi, qoǵamnyń tolyqqandy qatysýshysy. Endeshe, ómir sú­rip otyrǵan ortamyzǵa jaýapkershilikpen qaraý – jo­ǵary mádenıettiń belgisi. Erekshe qajettiligi bar jandardy biriktirýge, zamanaýı daǵ­dylarǵa úıretýge, óz áleýetin tolyq ashýǵa shabyttandyrý arqyly teń múmkindikter tý­ǵyzýǵa kómektesetin qoǵam qurý mańyzdy», dep atap ótti «IteachMe» qoǵamdyq qorynyń dırektory Zahıra Begalıeva.

Festıvaldyń seriktesi «Shev­ron» kompanııasy 1993 jyly yntymaqtastyq ornaǵan sátten bastap elimizdiń munaı-gaz salasyn damytýǵa úles qosýmen qatar, áleýmettik jobalardy da jan-jaqty qoldaýǵa basymdyq berip keledi. Sodan beri kompanııa bilim berýdi, densaýlyq saqtaýdy jaqsartýǵa jáne jańa jumys oryndaryn qurýǵa arnalǵan 400-den asa jobaǵa shamamen 500 mln dollar ınvestısııalady. Kom­panııanyń Eýrazııalyq bólimshesiniń kelissózder jáne jobalar jónindegi bas mened­je­ri Gúlzıra О́tetileýova halyq­tyń ómir súrý sapasyn jaqsar­tý men qorshaǵan ortany qorǵaý­ǵa baǵyttalǵan jobalardy qoldaý jalǵasa beretinin jetkizdi.

Qatysýshylar óz bilim-táji­rıbelerimen bólisip, ósimdik­terdi durys otyrǵyzý, sýret salý, qaldyqtardy bólek jınaý, robottehnıka jáne florıstıka boıynsha sheberlik sabaqtaryn ótkizdi. «Tabigat Labs» jobalar koalısııasy ekologııa máselelerine ýrbanıstıka, ádebıet jáne bilim berý oıyndary arqyly úńilýdi usyndy. «Recycle Birge» sarapshylary Jandar Janábil men Madına Rústemova qaldyqtar­dy turaqty tutyný men qaıta óńdeý qajettiligine den qoıdy. «Inclusive People» jobasynyń negizin qalaýshy jáne elimizdegi alǵashqy kıber-model Aıman Moldabekova ınklıýzıvti sán­ge degen kózqarasymen bólisti. ­Joba modelderiniń múmkindik­tiń ártúrliligi men teńdigin kór­setetin ınklıýzıvti sán shoýy fes­tıval qaǵıdalarynyń aıqyn dáleli boldy. Áıgerim Izbasa­­rova men Nıýrgýıan Adamova «Mama Pro» áleýmettik álsiz top­taǵy áıelderdi qoldaý jáne damy­tý qorynan erekshe qajettilik­teri bar balalardyń otbasyla­ryna meıirimdilik sabaqtary men psıhologııalyq qoldaý kórsetip, ınklıýzıvti qoǵam sheńberindegi psıhologııalyq ál-aýqatqa nazar aýdarýdyń mańyzdylyǵyn atap ótti. «Bolat О́temuratov qory resýrstyq ortalyǵynyń» trenerleri Iýrıı Chývashev pen Janna Úmbetova barlyq azamat úshin qoǵamdyq oryndarda aýtızm spektri buzylǵan adamdarmen ózara is-qımyl­dyń mańyzyn talqylady. «Lerýa Merlen» kompanııasy «jasyl» svop, óner nysandaryn jasaý úshin plastıkalyq qaqpaqtardy jınaýdyń, florarıýmdar men astaýlar jasaýdyń qyr-syryn úıretti.

Balalar da, eresekter de Bas­­ty botanıkalyq baqtyń eks­kýr­sııalaryna erekshe ynta-yqylas tanytty. IýNESKO-nyń Qazaqstan Ulttyq klýbtar federasııasy men Qazaqstan­nyń bıoalýantúrliligin saq­taý qa­ýym­dastyǵy daıyndaǵan foto jáne art-kórmeler qonaq­tar­dyń erekshe nazaryn aýdar­dy. «Impact Hub Almaty» qol­da­ýymen uıymdastyrylǵan kitap klýby men jármeńke ala­ńy kelýshilerdiń úlken qy­zy­ǵýshylyǵyn týdyrdy. Aýtıs­tik spektri buzylǵan bala­lar men olardyń ata-analary qatysqan «Aýtızmdy jeńe­miz!» ortalyǵynyń kon­ser­ti adamdar­dy beıjaı qal­dyr­mady. Áleýmettik joba­lar kór­mesi ekologııa men ınklıý­zııa­nyń mańyzdy bastamalary­men aınalysatyn adamdarmen ta­nysýǵa múmkindik berse, qaıy­rym­dylyq jármeńkesi jergilikti óndirýshilerdi qoldaı otyryp, eko-taýarlar men qoldan ja­sal­ǵan buıymdardy usyndy.