Alǵash ret olımpııa oıyndaryna qatysyp turǵan Islam Satpaev pen Aleksandr Le juby Germanııa quramasynan (Anna Iаnsen, Maksımılıan Ýlbrıh) basym tústi.
«Súıinshi, ardaqty aǵaıyn! Parıj Olımpıadasynyń alǵashqy júldesi qorjynǵa tústi. Jarystyń alǵashqy kúninde mergenderimiz — Islam Sátpaev pen Aleksandra Le Olımpıadanyń qola júldegeri atandy! Barshańyzdy osynaý aıtýly nátıjemen shyn júrekten quttyqtaımyn! Mergenderimiz qola júlde úshin talasta Germanııa ókilderin aınalyp ótti. Olardyń jeńisti joly basqa otandastarymyzǵa da juǵysty bolsyn! Mergenderimiz aldaǵy ýaqytta da jankúıer qaýymdy qýantady dep senemin. О́ıtkeni olardyń múmkindigi joǵary. Bul jetistik atalǵan sport túriniń bizde elde qarqyndy damyp kele jatqandyǵynyń jarqyn kórinisi. Mergenderimiz múlt ketpesin! Tilektespiz! »— dedi QR Týrızm jáne sport mınıstri Ermek Marjyqpaev.
Aıta keteıik, bizdiń mergender erterekte irikteýde 630.1 upaı jınaǵan. Islam men Aleksandra dýeti - byltyr Hanchjoýda ótken jazǵy Azııa oıyndarynyń qola júldegeri.
