Foto: kp.ru
Aıta keteıik, bıyl bakalavrıatqa túsý úshin 79 myńǵa jýyq grant bólingen. Granttardyń basym bóligi ınjenerlik jáne tehnıkalyq baǵyttarǵa úlestirilgen.
Sonymen qatar bıyl alǵash ret ishinara oqý aqysy bar saralanǵan granttar engizilgen. Máselen, «Pedagogıkalyq ǵylymdar» jáne «Áleýmettik ǵylymdar, jýrnalıstıka jáne aqparat» baǵyttary boıynsha 150 saralanǵan granttan bólingen. Sondaı-aq «Serpin» baǵdarlamasy arqyly túsýshilerge 3 903 grant bólingen. Granttar tiziminde 5 000 halyq tyǵyz qonystanǵan jáne batys óńirlerdiń jastaryn jetekshi joǵary oqý oryndarynda oqytý úshin maqsatty bilim berý granttary bar.
Talapkerlerdiń basym bóligi, atap aıtqanda 42 myń bala stýdenttik jyldaryn Almaty qalasynda ótkizýdi josparlap otyr. Al elordadaǵy oqý oryndaryna túsýge 22 myń talapker nıet bildirgen, 6,5 myń adam Shymkenttegi joǵary oqý oryndaryn tańdaǵan.
Eske sala keteıik, grant ıegerleriniń tizimi 10 tamyzǵa deıin Ǵylym jáne joǵary bilim mınıstrliginiń resmı saıty men áleýmettik jelilerinde, www.testcenter.kz saıtynda (UTO resmı saıty) jáne TESTCENTERKZ telegram paraqshasynda jarııalanady.
